استانا. 28 قاڭتار. اقش-تىڭ ەڭ ءىرى Ford Motor اۆتوكومپانياسىنىڭ 2015 جىلعى كىرىسى ماماندار بولجامىنان اسىپ ءتۇستى. تۇتىنۋشىلار اراسىندا اسىرەسە جول تالعامايتىن كولىك پەن جەڭىل جۇك كولىكتەرىنە دەگەن سۇرانىس وتە جوعارى. بۇل تۋرالى interfax.ru سايتىنا سىلتەمە جاساعان egemen.kz ءتىلشىسى حابارلادى.
وتكەن جىلعى تابىس مولشەرى سالىق سالىنعا دەيىن 10,8 ميلليارد دوللاردى قۇرادى. مۇنداي كورسەتكىش اۆتوكومپانيا قۇرىلعالى بەرگى 111 جىل ىشىندە بولماعان. ال Ford Motor باسشىلىعى 8,5 ميلليارد دوللار مەن 9,5 ميلليارد دوللار ارالىعىنا بولجام جاساعان. وسىعان بايلانىستى جالپى سانى 52,7 مىڭ قىزمەتكەرىنە 9,3 مىڭ دوللار سىياقىدان تاعايىندادى.
كومپانيا باسشىلىعىنىڭ ايتۋىنشا, 2015 جىلدىڭ قازان مەن جەلتوقسان ايلارىنىڭ ارالىعىندا تۇسكەن پايدا 1,9 ميلليارد دوللاردى قۇراعان. بۇل 2014 جىلمەن سالىستىرعاندا ەكى ەسە كوپ. ال شىعىنداردى الىپ تاستار بولسا, بارلىعى 7,4 ميلليارد دوللار تازا پايدا تۇسكەن.
ايان ءابدۋالي.
دەرەك: interfax.ru.
سۋرەت: first-americans.spb.ru.