پەتروپاۆل. 28 قاڭتار. كوكشەتاۋ-پەتروپاۆل تراسساسى بويىندا «جەدەل جاردەم» مەن جەڭىل كولىك سوقتىعىسىپ, 7 ادامنىڭ 4-ءۋى قازا تاپتى. قالعاندارى ءارتۇرلى دەنە جاراقاتىن الىپ, جاقىن ماڭايداعى اۋرۋحاناعا جەتكىزىلدى. بۇل تۋرالى وبلىستىق جەرگىلىكتى پوليتسيا قىزمەتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
جول-كولىك اپاتى كوكشتاۋ مەن كەللەروۆكا اراسىندا ورىن العان. استانادان جولاۋشى الىپ كەلە جاتقان وسەرباي ەسىمدى جەڭىل كولىكتىڭ يەسى قارسى باعىتتاعى «جەدەل جاردەم» ماشيناسىن بايقاماي قالعان. ونىڭ قامسىزدىعىنا سول كۇنگى ۇيىتقي سوققان سىرما جەل مەن الدا كەتىپ بارا جاتقان تىركەمەلى ەكى جۇك كولىگى سەبەپ بولعان.
جەدەل جاردەمنىڭ جۇرگىزۋشىسى مەن فەلدشەر جانە جەڭىل كولىكتىڭ يەسى مەن جانىنداعى جولاۋشى وقيعا ورنىندا قازا تاپتى.
«قازىر جەدەل تەرگەۋ امالدارى جۇرگىزىلىپ, جول اپاتىنىڭ سەبەپتەرى انىقتالۋدا», – دەيدى جەرگىلىكتى پوليتسيا قىزمەتىنىڭ وكىلدەرى.
ءومىر ەسقالي.
دەرەك: وبلىستىق جەرگىلىكتى پوليتسيا قىزمەتىنىڭ ءباسپاسوز قىزمەتى.
سۋرەت: progorod11.ru.