قىزىلوردا. 28 قاڭتار. قىزىلوردا وبلىسى اكىمدىگى اكتيۆىنىڭ وتىرىسىندا ايماق باسشىسى قىرىمبەك كوشەرباەۆ «بايقوڭىر» اكك» ۇك» اق باسقارما توراعاسى لاۋازىمىنا تاعايىندالعان تەمىرحان كەنجەباەۆ تانىستىردى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz حابارلادى.
تەمىرحان كەنجەباەۆ 1956 جىلى قارماقشى اۋدانىندا تۋعان. جامبىل گيدرومەليوراتيۆتىك-قۇرىلىس ينستيتۋتىن ينجەنەر-قۇرىلىسشى جانە لەنينگرادتىق ساياساتتانۋ ينستيتۋتىن ساياساتتانۋشى ماماندىقتارى بويىنشا بىتىرگەن.
ەڭبەك جولىن 1984 جىلى قىزىلوردا ءۇي-قۇرىلىسى كومبيناتىنىڭ شەبەرى رەتىندە باستاعان. قىزىلوردا قالالىق پارتيا كوميتەتىنىڭ ينسترۋكتورى, وبلىستىق پارتيا كوميتەتىنىڭ كەڭەسشى-جاۋاپتى ۇيىمداستىرۋشىسى, قىزىلوردا پوشتالىق بايلانىس باسقارماسىنىڭ باستىعى, قازالى اۋدانىنىڭ اكىمى, قىزىلوردا وبلىسى اكىمىنىڭ ورىنباسارى, ءبىرىنشى ورىنباسارى لاۋازىمدارىندا قىزمەت اتقارعان.
2004 جىلدان باستاپ كاسىپكەرلىكپەن اينالىسۋدا.
«بايقوڭىر» اكك» ۇك» اق باسقارما توراعاسى قىزمەتىن اتقارىپ كەلگەن جانات سامات «بايتەرەك» ۇلتتىق باسقارۋشى حولدينگى» اق دەپارتامەنت ديرەكتورى لاۋازىمىنا تاعايىندالۋىنا بايلانىستى اتقارىپ وتىرعان قىزمەتىنەن بوساتىلدى.
جانات ساماتقىزىنا ءوڭىردىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن ايماق باسشىسى العىسىن ايتتى. اتاپ ءوتۋ كەرەك, «بايقوڭىر» اكك» ۇك» اق سوڭعى 3 جىل ىشىندە تابىستى جۇمىس ىستەپ, ەلىمىزدىڭ بارلىق وبلىستارىنداعى الەۋمەتتىك كاسىپكەرلىك كورپوراتسيالار اراسىندا كوش باستاپ تۇر. وبلىس اكىمى جانات ساماتقىزىنىڭ جاڭا قىزمەتىنە ساتتىلىك تىلەپ, قىزىلوردا وبلىسىنىڭ «قۇرمەت» گراموتاسىن تاپسىردى.
ەرجان بايتىلەس.
دەرەك, سۋرەت: egemen.kz