استانا. 19 قاڭتار. رەسەي فەدەراتسياسىنىڭ قۇرامىنداعى داعىستان رەسپۋبليكاسىندا دوڭىز تۇماۋىنان بەس ادام قايتىس بولدى. بۇل تۋرالى Interfax اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
اتالعان رەسپۋبليكانىڭ دەنساۋلىق ساقتاۋ مينيسترىلىگى ءباسپاسوز قىزمەتىنىڭ حابارلاۋىنشا, قىس باستالعالى بەرى داعىستاندا H1N1 – دوڭىز تۇماۋىنان ءتورت ەرەسەك جانە ءبىر بالا كوز جۇمعان.
مينيسترلىك تاراتقان حابارلامادا: «2015 جىلدىڭ جەلتوقسان ايىنان بەرى ەلدە H1N1 ۆيرۋسىنا قاتىستى سوڭى اۋىر قايعىمەن اياقتالعان 5 وقيعا تىركەلىپ وتىر. بۇل جاعداي نەگىزىنەن اۋرۋ جۇقتىرعانداردىڭ دارىگەرلەرگە كومەككە تىم كەش كەلۋىمەن بايلانىستى», – دەلىنگەن.
ىندەتتەن كوز جۇمعانداردىڭ تورتەۋى – ماحاچكالادا, ال بىرەۋى يزبەرباشتا ءومىر سۇرگەن. جالپى, ەلدە دوڭىز تۇماۋىنىڭ 68 وشاعى انىقتالعان. تۇماۋدى جۇقتىرعانداردىڭ دەنى اۋرۋحانادان شىعارىلعان, تەك كەيبىرى عانا ەمدەلۋگە قالدىرىلىپ وتىر.
جاعدايدى مينيسترلىك ەرەكشە باقىلاۋعا العان. داعىستانداعى بارلىق مەديتسينالىق مەكەمەلەر قاجەتتى ءدارى-دارمەكپەن دەر كەزىندە جابدىقتالۋدا.
ەلامان قوڭىر.
دەرەك: interfax.ru.
سۋرەت: thegreatmiddleeast.com.