ەلىمىزدە مادەني مۇرا نىساندارىنا قاتىستى ۆانداليزم فاكتىلەرىنىڭ كوبەيۋىنە بايلانىستى ولاردى قورعاۋ مەن پايدالانۋ ءتارتىبىن رەتتەيتىن جاڭا قاعيدالار بەكىتىلدى. قۇجاتقا مادەنيەت جانە اقپارات ءمينيسترى ايدا بالاەۆا قول قويدى, دەپ حابارلايدى Egemen.kz.
جاڭا ەرەجەگە سايكەس, تاريحي-مادەني مۇرا وبەكتىلەرىن قورعاۋمەن اينالىساتىن ۇيىمدار ەندى جەرگىلىكتى اتقارۋشى ورگانداردىڭ شەشىمىمەن كوممۋنالدىق مەملەكەتتىك مەكەمە رەتىندە قۇرىلادى. ولاردىڭ نەگىزگى مىندەتى – تاريحي ەسكەرتكىشتەردىڭ ساقتالۋىن قامتاماسىز ەتۋ, عىلىمي زەرتتەۋلەر جۇرگىزۋ, مونيتورينگ جاساۋ جانە جاڭا ەسكەرتكىشتەردى ورناتۋعا قاجەتتى قۇجاتتاردى ازىرلەۋ.
ماتەريالدىق ەمەس مادەني مۇرانى ساقتاۋدىڭ جاڭا تاسىلدەرى
اتالعان ۇيىمدار مۇرا نىساندارى بويىنشا قۇجاتتامانى جۇرگىزىپ, ولاردىڭ تەحنيكالىق جاعدايىن جىل سايىن تەكسەرىپ وتىرادى. سونىمەن قاتار كورمەلەر, دارىستەر, ەكسكۋرسيالار ۇيىمداستىرىپ, عىلىمي جانە حالىقارالىق ۇيىمدارمەن ىنتىماقتاستىق ورناتادى.
ەلىمىزدە مادەني مۇرانى قورعاۋ جونىندەگى مامانداردى دايارلاۋ كۇشەيتىلەدى
بۇدان بولەك, قۇرىلىمدار تاريحي نىسانداردى جەرگىلىكتى جانە رەسپۋبليكالىق ماڭىزى بار ەسكەرتكىشتەر تىزىمىنە ەنگىزۋ بويىنشا ۇسىنىستار ازىرلەۋمەن, قورعاۋ ايماقتارىن بەلگىلەۋمەن, رەستاۆراتسيا جۇمىستارىن جۇرگىزۋمەن جانە قورعاۋ شارتتارىن جاساسۋمەن اينالىسادى.