قىزىلوردا. 18 قاڭتار. 12-18 قاڭتار ارالىعىندا استانا قالاسىندا ۆەلوسپورتتان وتكەن قازاقستان چەمپيوناتىندا قىزىلوردالىق ۆەلوسپورتشىلار 8 مەدال الىپ, جالپىكوماندالىق ەسەپتە ءۇشىنشى ورىندى يەلەندى. بۇل تۋرالى egemen.kz ءتىلشىسى حابارلادى.
سكرەتچ سايىسىندا ەرلەر اراسىندا روبەرت گاينەەۆ جەڭىمپاز اتانسا, كاريم بۋزين كۇمىس مەدالدى موينىنا تاقتى. قىزدار اراسىندا جانۇيا سەيتوۆا كۇمىس, ۆيكتوريا پاستارنيك قولا جۇلدەنى ەنشىلەدى.
سپرينت سايىسىندا ارتۋر ەراليەۆ 2-ورىن الدى. ال كوماندالىق سپرينتتە اسىلحان تۇرار, ارتۋر ەراليەۆ, روبەرت گاينەەۆتەر قولا جۇلدەگەر اتاندى. سونداي-اق, توپتىق جارىستا قىزدار اراسىندا جانۇيا سەيتوۆا 1-ورىندى جەڭىپ الدى. ەرلەر اراسىندا روبەرت گاينەەۆ 3-ورىنعا يە بولدى.
جارىس قورىتىندىسىندا قىزىلوردا وبلىسىنان 5 سپورتشى وسى جىلدىڭ 24-28 قاڭتار كۇندەرى جاپونيادا بولاتىن ازيا چەمپيوناتىنا جولداما الدى. ولار: كاريم بۋزين, ارتۋر ەراليەۆ, روبەرت گاينەەۆ, جانۇيا سەيتوۆا جانە ۆيكتوريا پاستارنيك.
№3 وبلىستىق ۆەلوسپورت جونىندەگى وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبىندە جانە وبلىستىق جوعارى سپورت شەبەرلىگى مەكتەبىندە ءتالىم الاتىن سپورتشىلاردى جارىسقا بەرىك كوپەشوۆ پەن رۋسلان ياگافاروۆ دايىندادى.
ەرجان بايتىلەس.
دەرەك, سۋرەت: egemen.kz.