قازاقستان رەسپۋبليكاسىنىڭ ۇيعىرلارى رەسپۋبليكالىق مادەني ورتالىعىنىڭ پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس
سايلاۋلارىن وتكىزۋ باستاماسىن قولداۋ تۋرالى
مالىمدەمەسى
قازاقستان رەسپۋبليكاسىنىڭ ۇيعىرلارى رەسپۋبليكالىق مادەني ورتالىعى پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋلارىن وتكىزۋ تۋرالى باستاماعا ءوزىنىڭ قولداۋ بىلدىرەتىنىن مالىمدەيدى. ەلباسىنىڭ جولى ەلىمىزگە دامۋدىڭ ادام ايتقىسىز شىڭدارىن باعىندىرۋعا مۇمكىندىك بەردى. بەيبىتشىلىك, تۇراقتىلىق جانە كەلىسىم تاۋەلسىز قازاقستان تابىستارىنىڭ الەم تانىعان نىشاندارىنا اينالدى. جانە بۇگىندە, الەمدىك ەكونوميكالىق داعدارىس جاعدايىندا, قازاقستان حالقى ماڭگىلىك ەل يدەياسىمەن رۋحتانىپ وتىر, سونداي-اق, ەلدىڭ بارلىق رەسۋرستارىن ءوسىمنىڭ جاڭا كوكجيەكتەرىن باعىندىرۋ ءۇشىن جۇمىلدىرۋعا شاقىرادى. ءبىز ءوزىمىزدىڭ ورتاق جولىمىزدى تاڭداپ الدىق جانە پارلامەنت ءماجىلىسى مەن ماسليحاتتارعا ەل دامۋىنىڭ جاڭا, جاۋاپتى كەزەڭىندە جوعارى سەنىم بىلدىرەتىنىمىزدى قۋاتتاۋعا دايىنبىز. ەلىمىزدىڭ جاڭا دەپۋتاتتىق كورپۋسى بارلىق ساياسي پارتيالاردىڭ ءوزارا ءىس-قيمىلىنىڭ ءتيىمدى تەتىگى بولۋى, ءبىزدىڭ ىلگەرىلەۋىمىزدىڭ ىرگەتاسى رەتىندە بەيبىتشىلىك پەن كەلىسىمدى نىعايتۋدى قامتاماسىز ەتۋى ءتيىس.