قازاقستان ازەربايجاندارى مادەني ورتالىقتارىنىڭ وداعى پارلامەنت ماجىلىسىمەن بارلىق دەڭگەيدەگى ءماسليحاتتار سايلاۋلارىن كەزەكتەن تىس وتكىزۋ جونىندەگى دەپۋتاتتاردىڭ ۇندەۋىن قولدايمىز.
بۇل ماجىلىسمەندەردىڭ سالماقتى دا ۋاقتىلى شەشىمدەرى, جاھاندىق داعدارىس جانە ايتارلىقتاي كۇردەلى ەكونوميكالىق جاعدايلار كەزەڭىندە شەشۋشى شەشىمدەر قابىلداۋدىڭ ماڭىزدى ەكەنىن كورسەتەتىن جارقىن مىسال.
ەلىمىز قاشاندا جەتەكشى الەمدىك باستامالاردىڭ كوشباسىندا قالىپ كەلەدى. ولاردىڭ ءبىرى – جالپىحالىقتىق توپتاسقاندىقتىڭ بىرەگەي ينستيتۋتى – قازاقستان حالقى اسسامبلەياسىن قۇرۋ. بۇگىندە قحا ءوزىنىڭ 20 جىلدىق جاسامپازدىق قىزمەتىن اتاپ ءوتتى.
مەملەكەتىمىز تاراتىپ وتىرعان بىرلىك پەن كەلىسىمنىڭ الەمدىك قۇندىلىقتارى قازىرگى كۇن شىندىعىندا ءبىر عانا دۇرىس جول بولىپ تابىلادى. بۇل – قازاقستاننىڭ بارلىق ەتنوستارىنىڭ قالاۋى, الەمنىڭ كوپتەگەن حالىقتارىنىڭ ماقسات-مۇراتى.
بۇگىندە, كەڭ اۋقىمدى رەفورمالار جۇرگىزىلىپ جاتقان كەزەڭدە ءبىز پارلامەنتتىڭ جاڭا ءماجىلىسى مەن بارلىق دەڭگەيدەگى ءماسليحاتتار ءبىزدىڭ بىرتۇتاستىعىمىز بەن بىرلىگىمىزدى, تۇراقتىلىعىمىزدى نىعايتۋ ءۇشىن جاعدايلار جاساپ, قازاقستان حالقىنىڭ يگىلىگى جولىندا بولاشاقتىڭ ءبىرتۇتاس ۇلتىن قۇرادى جانە حالىقتىڭ جاڭا سەنىم مانداتىن تولىق كولەمىندە جۇزەگە اسىرۋدى قامتاماسىز ەتەدى دەپ ۇمىتتەنەمىز.