استانا. 18 قاڭتار. بۇگىن تەننيستەن «ۇلكەن دۋلىعا» ساناتىنا جاتاتىن ماۋسىماشار تۋرنير – Australian Open سايىسى باستالدى. وسى تۋرنير الدىندا بەلگىلى بولعان جايت تەننيس الەمىن ءدۇر سىلكىندىردى. اتاپ ايتقاندا, الەمدىك ەليتاداعى كەيبىر تەننيسشىلەر كەلىسىلگەن ويىنعا قاتىسى بار دەگەن كۇدىكپەن ايىپتالىپ وتىر. بۇل تۋرالى eurosport.ru پورتالىنا سىلتەمە جاساعان egemen.kz ءتىلشىسى حابارلادى.
BBC-ءدىڭ مالىمدەۋىنشە, تەلەارنا مەن BuzzFeed News مەديا-كومپانياسى قىزمەتكەرلەرىنىڭ قولىنا 2007 جىلدان باستالعان ATP ويىندارىنا جۇرگىزىلگەن تەرگەۋدىڭ ناتيجەلەرى تۇسكەن. ول قۇجاتتاردا رەسەي اۋماعىندا, سونداي-اق, يتاليادا (سولتۇستىك ءوڭىر مەن سيتسيليادا) ويىن سينديكاتتارىنا قاتىستى ارەكەتتەر بايقالعانى راستالعان. ناتيجەسىندە, تەرگەۋشىلەر كەلىسىلگەن دەپ باعا بەرگەن كەزدەسۋلەرگە كەيبىرەۋلەر ءباس تىگۋ ارقىلى جۇزدەگەن مىڭ فۋنت ستەرلينگ تابىس تاپقان. كورپوراتسيانىڭ حابارلاماسىنا قاراعاندا, سونداي ءۇش ويىن ۋيمبلدون تۋرنيرىندە وينالعان.
قۇپيا تەرگەۋ ارەكەتتەرىنىڭ ناتيجەسىندە 2008 جىلى كەلىسىلگەن ويىنعا قاتىسى بار 28 تەننيسشىنىڭ اتتارى بەلگىلى بولدى. الايدا, ولاردىڭ ءىس-ارەكەتتەرى ودان ءارى تەرگەلمەي, سپورتشىلارعا ەشقانداي شارا قولدانىلمادى.
سونىمەن قاتار, جەتەكشى بۋكمەكەرلىك كونتورلارداعى ءباس تىگۋگە باقىلاۋ جۇرگىزەتىن ەۋروپالىق ۇيىم 2015 جىلى 50 ويىننىڭ ناتيجەسىن كۇدىكتى دەپ تانىعان. سونداي-اق, وزگە سپورت تۇرلەرىمەن سالىستىرعاندا, تەننيستە مۇنداي جاعداي كوپ كەزدەسەتىنىنە نازار اۋدارىلعان.
ۆۆس اتالعان تىزىمگە ەنگەن 8 تەننيسشى بيىلعى اۆستراليا اشىق بىرىنشىلىگىنە قاتىساتىنىن دا حابارلاپ وتىر. ازىرگە ول سپورتشىلاردىڭ كىناسى دالەلدەنبەي, اتى-جوندەرى جاريالانبايدى. دەسەك تە, قازىردىڭ وزىندە كۇدىكتى تەننيسشىلەردىڭ ەسىمدەرى تەلەارناعا بەلگىلى.
ەلامان قوڭىر.
دەرەك: eurosport.ru.
سۋرەت: unian.net.