استانا. 5 قاڭتار. اقش-تىڭ وكلاحوما شتاتىندا Backroad Anthem روك-توبىنىڭ جەتەكشىسى, ءانشىسى كرەيگ ستريكلەندتىڭ جانسىز دەنەسى تابىلدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
2015 جىلى 26 جەلتوقسان كۇنى 29 جاستاعى ءانشى ءوزىنىڭ دوسى, ءارى ارىپتەسى 22 جاستاعى چەيز مەرلەندپەن بىرگە وكلاحوما شتاتىنىڭ سولتۇستىگىندەگى كو-لەيك كولىندە جابايى ۇيرەكتەرگە ساياتشىلىق قۇرۋ ءۇشىن سەرۋەندەپ شىققان. الايدا, ولار مىنگەن قايىق اۋدارىلىپ, باتىپ كەتتى. ىزدەۋ كەزىندە ارادا ءۇش كۇن وتكەن سوڭ بارىپ, 29 جەلتوقسان كۇنى مەرلەندتىڭ ءمايىتى تابىلدى. ال ستريكلەندتى بۇگىنگە دەيىن تابا الماعان.
Backroad Anthem توبىنىڭ وزگە بەس ءانشىسى جەتەكشىسىنىڭ حابارسىز كەتكەنىن ايتىپ, پوليتسيا قىزمەتكەرلەرىنە حابار بەرگەن. عالامتور ارقىلى ىزدەۋ دە جاريالاعان.
ايتا كەتەيىك, ۇجىم 2012 جىلى اركانزاس شتاتىندا قۇرىلعان. كانتري-روك ادىسىندە ءان ايتىپ كەلەدى. العاشقى ءان-جيناقتارى 2013 جىلى جارىق كورگەن.
ايان ءابدۋالي.
دەرەك: تاسس.
سۋرەت: ren.tv.