الماتى. 5 قاڭتار. بريتانيا كورولىنىڭ پوچتا قىزمەتى 500 جىلدىق مەرەيتويىن اتاپ وتۋدە. داتالى كۇننىڭ قۇرمەتىنە وراي ەلدە تاريحي دەرەكتەردى تىزبەكتەپ, جيناقتاعان ارنايى سايت اشىلدى. بۇل تۋرالى ۆۆس حابارلادى.
اعىلشىن كورولى گەنريح VIII 1516 جىلدىڭ باسىندا رىتسار برايان تيۋكتى ەلدىڭ تۇڭعىش پوچتمەيستەرى (پوچتا كەڭسەسىنىڭ باستىعى) ەتىپ تاعايىندادى. بۇعان دەيىن حات-حابار تەك قانا ارنايى قىزمەتشىلەر مەن كۋرەرلەر ارقىلى تاسىمالدانعان ەدى. جاڭا قىزمەتكە كىرىسكەن تيۋكتىڭ پوچتالىق تاسىمالداۋ قىزمەتىنە ەنگىزگەن جۇيەسىن الدىمەن كۇللى بريتانيا, ودان سوڭ بۇكىل الەم ءوز تاجىريبەسىنە ەنگىزىپ الا قويعان.
ەڭ العاشقى كەزدە لوندونداعى پوچتا كەڭسەسىندە بارلىعى 45 ادام قىزمەت ىستەگەن ەكەن. كورولدىكتىڭ بۇگىنگى پوچتا قىزمەتىندە 140 مىڭ ادام جەمىستى ەڭبەك ەتىپ كەلەدى.
تالعات ءسۇيىنباي.
دەرەك: ۆۆس.
سۋرەت: Reuters.