استانا. 4 قاڭتار. قازاقستاننىڭ التى وبلىسىندا قولايسىز اۋا رايىنا بايلانىستى رەسپۋبليكالىق ءمانى بار جولدار جابىلدى. بۇل تۋرالى tengrinews.kz حابارلايدى.
ىشكى ىستەر مينيسترلىگى توتەنشە جاعدايلار كوميتەتىنىڭ مالىمەتىنشە, بۇگىن ساعات 08:00-دەن باستاپ اقتوبە, شىعىس قازاقستان, باتىس قازاقستان, قاراعاندى, قوستاناي, قىزىلوردا وبلىستارىندا اۋا رايىنىڭ بۇزىلۋىنا بايلانىستى جولداردا كولىكتىڭ بارلىق تۇرلەرى ءۇشىن قوزعالىس توقتاتىلعان.
حابارلامادا, اقتوبە وبلىسىندا سامارا - شىمكەنت (615-1240 شاقىرىمدار), قارابۇتاق - كومسومول (0-231 شاقىرىمدار), اقتوبە - ورسك (8-135 شاقىرىمدار), قاندىاعاش-ەمبى-شالقار-ىرعىز (92-401 شاقىرىمدار) تاس جولدارى مەن بىرقاتار اۆتوجولدار جابىلدى.
سونىمەن قاتار, شىعىس قازاقستان اۋماعىنداعى قاراعاندى-اياگوز-بوعاز ۋچاسكەلەرىندە (320-704 شاقىرىمدار) كولىكتەردىڭ قوزعالىسىنا تىيىم سالىندى. ال ورالداعى سامارا – شىمكەنت (280-526 شاقىرىمدار) جولى جابىق. قاراعاندى وبلىسىندا قىزىلوردا - پاۆلودار (216-424 شاقىرىمدار) جانە الماتى - ەكاتەرينبۋرگ (489-637 شاقىرىمدار) تاس جولدارى جابىلدى دەلىنگەن. سونداي-اق, قوستاناي وبلىسىندا دا رەسپۋبليكالىق ءمانى بار اۆتوجولداردىڭ ۋچاسكەلەرى جابىلدى. ول قارابۇتاق - دەنيسوۆكا (231-386 شاقىرىمدار) تاس جولى جانە قوستاناي-اۋليەكول-سۇرعان (215-232 شاقىرىمدار), سونىمەن قاتار, وبلىستاردا بىرقاتار جولدار جابىلدى. قىزىلوردا وبلىسىندا سامارا - شىمكەنت (1240-1356 شاقىرىمدار) تاس جولىندا كولىك قوزعالىسى توقتاتىلدى.
ايتا كەتەيىك, وزگە وبلىستاردا دا رەسپۋبليكالىق جانە وبلىستىق ءمانى بار اۆتوموبيل جولدارىندا بارلىق باعىت بويىنشا كولىك قوزعالىسىنا تىيىم سالىندى.
تالعات رايىمبەك.
دەرەك, سۋرەت: tengrinews.kz.