استانا. 1 ءساۋىر. وزبەكتىڭ بەلگىلى ءانشىسى شاحزودا كەشە ءوزىنىڭ جول-كولىك وقيعاسىنا ءتۇسىپ قالىپ, قازا تاپقانى تۋرالى الەۋمەتتىك جەلىگە تاراپ كەتكەن قاۋەسەتتى جوققا شىعاردى. بۇل تۋرالى UZ24 حابارلادى.
ءانشى Twitter-دەگى ميكروبلوگىنا ءوز جاعدايىنىڭ جاقسى ەكەنىن جازدى. ول سونىمەن قاتار انىقتالماعان اقپارلاردى الەۋمەتتىك جەلىلەر ارقىلى تاراتپاۋدى ءوتىندى.
شاحزوجانىڭ اۆاريادا قازاعا ۇشىراعانى تۋرالى قاۋەسەت كەشە Telegram-داعى مەسسەندجەر ارقىلى تاراي باستاعان ەكەن. بۇدان مازاسىزدانعان ءانشى تىلەۋلەستەرى ينستاگرامعا جاپپاي حات جازىپ, شىن مانىندە نە بولعانىن سۇراسىپ جاتتى. ال ءارتىس ءوزىنىڭ ارىپتەسى شاحزودا ماتچانوۆامەن بىرگە تۇسكەن سۋرەتىن جاريالاپ بارىپ قانا ءوز فاناتتارىن تىنشىتتى. ول مازاسىزداناتىن ەشتەڭەنىڭ دە بولماعانىن جەتكىزدى. بىراق ءبىرازدان كەيىن سۋرەت جوعالىپ كەتتى.
مۇرات ايتقوجا.
https://youtu.be/ahABzZ0QeYI