استانا. 1 ءساۋىر. ناۋرىزدىڭ 28-ءى كۇنى تاڭەرتەڭ ەرتە وزبەكستاندا پلانەتاداعى ەڭ جاسى ۇلكەن ايەل, ءناسىلى قاراقالپاق تۋتي (توتى) يۋسۋپوۆا 135-كە قاراعان شاعىندا قايتىس بولدى بۇل تۋرالى UZ24 حابارلادى.
ۇزاق جاساۋشى قاريا قاراقالپاق جەرىندەگى تورتكۇل اۋدانىندا تۇرعان. اگەنتتىككە وسى اۋدان حوكيمياتىنان حابارلاعانداي, تۋتي يۋسۋپوۆ 27 ناۋرىز, جۇما كۇنى جاسى 134-تەن ەندى اسقان شاعىندا دۇنيە سالعان.
ەلدەگى ەڭ تانىمال ۇزاق جاساۋشىنىڭ باقيلىق بولعانى تۋرالى اقپار «ەركين قاراقالپاقستان» گازەتىندە جارىق كورگەن. قازانامانى «نۋروني» ارداگەرلەردى الەۋمەتتىك جاعىنان قورعاۋ قورى قاراقالپاق بولىمشەسى مەن تورتكۇل اۋدانىنىڭ حوكيمياتى بەرگەن. جەرلەۋ راسىمىنە قاراقالپاق رەسپۋبليكاسى مينيسترلەر كەڭەسىنىڭ رايىسى باحادير يانگيباەۆ قاتىسقان.
تۋتي يۋسۋپوۆا 1880 جىلى قاراقالپاقستاننىڭ تورتكۇل اۋدانىندا قاراقالپاق وتباسىندا تۋعان. ەڭبەك جولىن «كونە تورتكۇل» شارۋاشىلىعىندا باستاپ, زەينەتكە شىققانىنشا ەڭبەك ەتكەن. ول سودان كەيىن دە اۋداننىڭ دامۋىنا وزىندىك ۇلەس قوسقان.
وزبەكستان پرەزيدەنتىنىڭ جارلىعىمەن تۋتي يۋسۋپوۆا «شۋحرات» مەدالىمەن ناگرادتالعان.
2010 جىلى «قاراقالپاقفيلم» كينوستۋدياسى ول تۋرالى «ءۇش عاسىردىڭ كۋاسى» اتتى دەرەكتى فيلم تۇسىرگەن.
مۇرات ايتقوجا.
مانبە, سۋرەت: UZ24.