استانا. 1 ءساۋىر. باس پروكۋرور اسحات داۋىلباەۆ ۆەنگريانىڭ پرەمەر-ءمينيسترى ۆيكتور وربان باستاعان دەلەگاتسيا قۇرامىندا استاناعا رەسمي ساپارمەن كەلگەن اتالمىش ەلدىڭ ادىلەت ءمينيسترى لاسلو تروچاني مەن باس پروكۋرورى پەتەر پولتپەن كەزدەستى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
باسقوسۋدا باس پروكۋرورى قۇقىقتىق سالاداعى ەكىجاقتى قارىم-قاتىناستاردىڭ دوستىق جانە سىندارلى سيپاتىن اتاپ ءوتتى.
ارىپتەستەر حالىقارالىق كۇن ءتارتىبىنىڭ نەعۇرلىم وزەكتى ماسەلەلەرى بويىنشا وي ءبولىستى. ۆەدومستۆو باسشىلارى قازىرگى زامان تۇرعىسىندا قازاقستان مەن ۆەنگريانىڭ حالىقارالىق جانە ايماقتىق قاۋىپسىزدىكتى قامتاماسىز ەتۋ ماسەلەلەرىندەگى نيەتتەستىگىن جانە بىرلىگىن اتاپ ءوتتى.
كەزدەسۋ بارىسىندا قۇقىقتىق سالاداعى ىنتىماقتاستىقتىڭ باسىم باعىتتارى, اتاپ ايتقاندا, قىلمىسقا, تەرروريزمگە, ەكسترەميزمگە, كيبەرقىلمىسقا, ەسىرتكى تاسىمالىنا قارسى كۇرەس, تاجىريبە جانە اقپارات الماسۋ ماسەلەلەرى تالقىلاندى.
كەزدەسۋ قورىتىندىسى بويىنشا, ەلىمىزدىڭ باس پروكۋراتۋراسى مەن ۆەنگريا باس پروكۋراتۋراسىنىڭ اراسىنداعى ىنتىماقتاستىق تۋرالى مەموراندۋمعا قول قويىلدى.
قازاقستان مەن ۆەنگريانىڭ قۇقىق قورعاۋ ورگاندارى اراسىندا ءوزارا ءتيىمدى ىنتىماقتاستىقتىڭ ديناميكالىق تاجىريبەسى قالىپتاسىپ, قازىرگى تاڭدا جاڭا دەڭگەيگە شىعىپ كەلەدى.
وتكەن جىلى ۇستاپ بەرۋ تۋرالى, سوتتالعان ادامداردى بەرۋ تۋرالى ەكىجاقتى شارتتار جاسالدى. سونداي-اق, بۇگىن ۇكىمەت .يىندە قىلمىستىق ىستەر بويىنشا ءوزارا قۇقىقتىق كومەك تۋرالى مەملەكەتارالىق شارتقا قول قويۋ ءراسىمى ءوتتى. وسىلايشا, ۆەنگريا قازاقستانمەن قىلمىستىق سوت ءىسىن جۇرگىزۋ سالاسىنداعى ىنتىماقتاستىق ءۇشىن تولىق قۇقىقتىق نەگىز قۇرعان تاعى ءبىر ەل اتاندى.
تاراپتار قۇجاتقا قول قويۋدىڭ قىلمىسقا قارسى تۇرۋ سالاسىنداعى ەكىجاقتى ارىپتەستىكتى نىعايتۋداعى ماڭىزدى قادام ەكەندىگىن جانە قىلمىستىق-قۇقىقتىق سالاداعى ەكى ەل قۇزىرەتتى ورگاندارى جۇمىسىنىڭ تيىمدىلىگىن ارتتىرۋعا ىقپالداستىق ەتەتىنىن اتاپ ءوتتى. قىلمىستىق ىستەر بويىنشا ءوزارا قۇقىقتىق كومەك كورسەتۋ قىلمىسقا قارسى كۇرەستەگى باستى بولشەك بولىپ تابىلادى جانە ءوزارا ىقپالداستىقتى كەڭەيتۋ ءۇشىن كەڭ مۇمكىندىكتەر اشادى.
اسحات داۋىلباەۆ اتاپ وتكەندەي, شارتقا قول قويۋ قازاقستاندىق-ۆەنگريالىق قۇقىقتىق ىنتىماقتاستىقتى كەڭەيتۋدەگى, قىلمىسقا قارسى كۇرەستە كۇش بىرىكتىرۋدەگى, سونداي-اق جاھاندانۋ جاعدايىنداعى قاۋىپ-قاتەرلەردىڭ الدىن-الۋداعى ءتيىستى شارالار دايىنداۋدا ايتۋلى وقيعا بولىپ وتىرعانىن باسا ايتتى.
كەزدەسۋ بارىسىندا تاراپتار قۇقىقتىق ىنتىماقتاستىقتىڭ بارلىق باعىتتارى بويىنشا ەكىجاقتى قارىم-قاتىناستاردى تەرەڭدەتۋگە مۇددەلىلىك تانىتتى.
جولدىباي بازار.
دەرەك, سۋرەت: باس پروكۋراتۋرانىڭ ءباسپاسوز قىزمەتى.