استانا. 1 ءساۋىر. بولگاريادا رەسەيدەن بارعان ايەل مەن ونىڭ 5 جاسار بالاسىن ولتىرگەندەر ىزدەستىرلىپ جاتىر. بۇل تۋرالى نتۆ تەلەارناسى حابارلادى.
رەسەيلىك اننا لەونتەۆا ەسىمدى 35 جاستاعى كەلىنشەك پەن ونىڭ نيكيتا اتتى 5 جاسار ۇلىنىڭ مايىتتەرى كول جاعاسىنان تابىلعان. تەرگەۋ انىقتاعانداي, الدەكىمدەر بالانى پىشاقتاپ ءولتىرىپ, دەنەسىن شابادان ىشىنە سالىپ قويعان. قايعىلى وقيعانى زەرتتەۋگە قازىر ينتەرپول دا قوسىلدى. تەرگەۋ كوميتەتى دە قىلمىستىق ءىس قوزعادى.
رەسەيلىك جاس كەلىنشەك پەن ونىڭ ۇلىنىڭ ايۋاندىقپەن ءولتىرىلۋى بۇكىل بولگاريانى ءدۇر سىلكىندىردى. بۇل ىسپەن بىردەن بىرنەشە ەلدىڭ قۇقىق قورعاۋ ورگاندارى اينالىسىپ كەتتى. رەسەي مەن بولگاريا تەرگەۋشىلەرى ايەل مەن بالانىڭ نەگە بۇلايشا قاتىگەزدىكپەن ولتىرىلگەنىن ءتۇسىنۋ ءۇشىن كەز كەلگەن دەرەكتى ەلەكتەن وتكىزۋدە.
«بەلگىلى بولعان فاكت ەستىگەن ادامدى ەسىنەن تاندىرىپ جاتىر», - دەپ اتاپ ءوتتى نتۆ. بولگاريانىڭ تانىمال كۋرورتتارىنىڭ بىرىنشە ناعىز ۇرەي ورناپتى. جۇرت بۇل قىلمىستى مانياكتىڭ قولىنان كەلگەن دەپ قورقىپ وتىر.
ماماندار دا مۇنداي قىلمىستى اقىل-ەسى دۇرىس ادام جاسامايدى دەگەن تۇجىرىمدى كوبىرەك ۇستانۋدا. سەبەبى, ايەل تەك ءولتىرىلىپ قويا سالماپتى, ونىڭ دەنەسى بورشالانىپ تاستالىپتى. ال ونىڭ اياۋسىز ۇرىپ-سوعىلىپ, پىشاقتالىپ ولتىرىلگەن ۇلىنىڭ دەنەسى شابادانعا سالىنىپ, كول جاعاسىنا اپارىلىپ تاستالعان.
تەرگەۋشىلەر قىلمىستى ءىستى زەرتتەۋ بارىسىندا مۇندا sex قىزمەتىنىڭ ءىزى بار-جوعىن دا بايىرقالاپ كوردى. بىراق مۇنىڭ الدىندا جاس كەلىنشەكتى كورگەندەر ونىڭ مۇنداي تىرلىككە بارۋى مۇمكىن ەمەس ەكەنىن ايتىپ وتىر.
وسى كەزدە جۋرناليستەر دە وزدەرىنىڭ زەرتتەۋ جۇمىستارىن جۇرگىزىپ كورىپتى. ولار اننا مەن ونىڭ ۇلى نيكيتانىڭ سوڭعى كەزدەرى سوفيانىڭ ەڭ قىمبات ماحاللالارىنىڭ بىرىندە تۇرىپ كەلگەنىن انىقتاعان. جەرگىلىكتى تۇرعىندار ولارمەن ءبىر ەر كىسىنىڭ بىرگە جۇرگەنىن دە بايقاعان. سونداي-اق قىمبات پاتەردىڭ لەونتەۆتەرگە ەمەس, رەسەيلىك بيزنەسمەن گەرمان كوستينگە تيەسىلى ەكەنى بەلگىلى بولعان.
بىرقاتار مالىمەتتەرگە قاراعاندا, تاپ وسى كىسى اننانىڭ كوڭىلدەسى بولعانعا ۇقسايدى. بۇل ىستەگى باستى كۇدىك تە ەندى سوعان اۋىپ وتىر. پوليتسيا سوندىقتان بىردەن سونى ىزدەۋگە كىرىسكەن. بىراق بيزنەسمەن ءىز-ءتۇزسىز جوعالىپ كەتكەن. سوندىقتان وعان حالىقارالىق ىزدەۋ جاريالانعان.
جەرگىلىكتى باسپاسوزدە بۇدان دا باسقا ۆەرسيا بار. بولگار جۋرناليستەرى انالى-بالالى ەكەۋدى كاۆكازدان كەلگەن بىرەۋلەر ولتىرگەن دەپ ەسەپتەيدى. ولار مۇنى ولەرىنەن شامالى ۋاقىت بۇرىن اننا لەونتەۆانىڭ تۇرعىن ءۇي ساتىپ الۋ ءۇشىن «كۇماندى مۇعادجىرلاردان» قارىزعا اقشا الۋىمەن, بىراق ونى ۋاقىتىندا قايتارا الماۋىمەن بايلانىستىرادى.
وسى ىسكە بايلانىستى تەكسەرۋ جالعاسىپ جاتىر. قازىر تەرگەۋ ورگانداردى ونىڭ قىزعانىش نەمەسە اقشاعا قاتىستى ەكى ماسەلەنىڭ ءبىرى بويىنشا جاسالعان بولۋى مۇمكىن ەكەنىن العا تارتىپ وتىر.
مۇرات ايتقوجا.
مانبە, سۋرەت: نتۆ.