اتىراۋ. 1 ءساۋىر. اتىراۋ وبلىسىنىڭ تۇرعىندارىنا اقشا ايىرباستاۋ بەكەتتەرى ارقىلى ەكى ايدا 148,6 ملن. اقش دوللارى ساتىلعان. ۇلتتىق بانكتىڭ اتىراۋ وبلىستىق بولىمشەسىنىڭ ديرەكتورى قوزىباق قۇلباراقوۆ وسىلاي دەپ مالىمدەدى. بۇل تۋرالى egemen.kz ءتىلشىسى حابارلادى.
«وتكەن جىلدىڭ قاڭتار-اقپان ايلارىنداعى كورسەتكىشكە قاراعاندا بيىلعى ەكى ايدا حالىقتىڭ شەتەلدىك ۆاليۋتالاردى ساتىپ الۋعا ىقىلاسى ارتا ءتۇستى. ماسەلەن, قاڭتار-اقپان ايلارىندا اتىراۋداعى ايىرباستاۋ بەكەتتەرى ارقىلى حالىققا 148,6 ملن اقش دوللارى ساتىلدى. بۇل كورسەتكىش بىلتىرعىدان 31,5 پايىزعا ءوستى», – دەيدى قوزىباق قۇلباراقوۆ.
سونىمەن قاتار, حالىق تاراپىنان ەۋرو مەن رەسەي ءرۋبلىن ساتىپ الۋعا دا قىزىعۋشىلىق ارتىپ وتىر. قاڭتار-اقپان ايلارىندا اتىراۋلىقتارعا 3,2 ملن. ەۋرو مەن 1 893,5 ملن. رەسەي ءرۋبلى ساتىلىپتى. شەتەل ۆاليۋتالارىنىڭ بۇل تۇرلەرىن ساتىپ الۋ تيىسىنشە 3,2% ءوسىپتى.
تاعى ءبىر ايتا كەتەر جايت, اتىراۋلىقتاردىڭ وسى ۋاقىت ىشىندە قولىنداعى شەتەل ۆاليۋتالارىن تەڭگەگە ايىرباستاۋدا دا بەلسەندىلىگى بايقالىپتى. ماسەلەن, حالىقتان 25,6 ملن. اقش دوللارى, 1,1 ملن. ەۋرو جانە 371,1 ملن. رەسەي ءرۋبلى ساتىپ الىنىپتى. سونداي-اق, ۇلتتىق ۆاليۋتانى تۇتىنۋ كورسەتكىشتەرى دە وتكەن جىلعىدان الدەقايدا ارتقان.
جولداسبەك شوپەعۇل.
دەرەك: egemen.kz.
سۋرەت: sharij.net.