استانا. 1 ءساۋىر. رەسەيدىڭ كالينينگراد قالاسىندا قوعامدىق كولىكتە ەسىرتكى زاتتارىن ساۋدالاعان كوندۋكتور ايەل قولعا ءتۇستى. بۇل تۋرالى ntv.ru حابارلادى.
«كوندۋكتور ساۋداسىن تەك جۇمىس مەزگىلىندە جاساپ كەلدى. ول تۇتىنۋشىلارىنا ەسىرتكىنى جول ءجۇرۋ بيلەتىمەن بىرگە بەرىپ وتىرعان. قوعامدىق كولىكتەگى ادامنىڭ كوپتىگى بۇگىنگە دەيىن ولاردىڭ بۇل ارەكەتتەرىن بۇركەمەلەپ كەلدى. سەبەبى, كوپتىك كەزىندە ادامدار مۇنداي جايتتارعا نازار اۋدارمايتىنى بەلگىلى», – دەيدى كالينينگراد قالاسى ىشكى ىستەر باسقارماسىنىڭ وكىلى.
قۇقىق قورعاۋ ورگاندارىنىڭ نازارىنا ىلىنگەن ەسىرتكى ساتۋشى ءبىراز ۋاقىت ارنايى باقىلاۋدا بولعان. كەزەكتى ساۋدا كەزىندە ءتارتىپ ساقشىلارىنىڭ قولىنا ءتۇستى.
مامانداردىڭ ايتۋىنشا, ول نەگىزىنەن گەروين ەسىرتكىسىن ساتىپ كەلگەن. قازىر وسى باعىتتا ارنايى ساراپتاما جۇمىستارى جۇرۋدە.
ەسىرتكى ساتىپ ۇستالعان ايەلدىڭ جاسى بار بولعانى 26-دا. سوعان قاراماستان, وسىعان دەيىن ءبىر مارتە ءىستى بولعان. «بۇل ايەل 2010 جىلى پاتەر توناعانى ءۇشىن قىلمىستىق جاۋاپكەرشىلىككە تارتىلدى. بىراق ودان ەشقانداي ساباق الماعانى بايقالادى. ەكىنىڭ ءبىرىنىڭ قولى جەتە بەرمەيتىن قالاداعى ءىرى كولىك كومپانياسىندا جۇمىس ىستەيدى. سونى ازسىنىپ, جولاۋشىلارعا ەسىرتكى ساتۋمەن اينالىسقان», – دەگەن ءتارتىپ ساقشىسى الداعى ۋاقىتتا قىلمىستىق ءىس قوزعالاتىنىن ايتتى.
ەلامان قوڭىر.
دەرەك: ntv.ru.
سۋرەت: 39.mvd.ru.