استانا. 18 مامىر. اۆستريا استاناسى – ۆەنادا «ەۋروۆيدەنيە-2015» ءان بايقاۋىنىڭ اشىلۋ سالتاناتى ءوتتى. بۇل تۋرالى ntv.ru حابارلادى.
بايقاۋ بيىل 60-شى رەت ۇيىمداستىرىلىپ وتىر. ۆەناداعى سايىستا 40 ەلدىڭ وكىلى باق سىنايدى. 19 جانە 21 مامىر كۇندەرى العاشقى جارتىلاي فينالدار وتەدى. ال فينال 23 مامىرعا جوسپارلانعان.
«ەۋروۆيدەنيە» بايقاۋى ءداستۇر بويىنشا وتكەن جىلعى جەڭىمپاز ءانشىنىڭ ەلىندە وتەدى. بىلتىر دانيادا وتكەن بايقاۋدا اۆستريا ءانشىسى كونچيتا ءۆۋرستتىڭ جەڭىسكە جەتكەنى بەلگىلى.
اتالعان بايقاۋعا اۆستراليا العاش رەت قاتىسۋدا. ەگەر جاسىل قۇرلىقتىڭ ءانشىسى جەڭىسكە جەتسە, بۇل ەل كەلەسى جىلى دا قاتىسۋ مۇمكىندىگىنە يە بولادى. دەگەنمەن, ول بايقاۋ ءداستۇر بويىنشا اۆستراليادا ەمەس, ەۋروپادا وتەدى.
سونىمەن قاتار, بيىلعى ءان سايىسىنا كيپر, سەربيا جانە چەحيا ەلدەرى قايتا ورالسا, تۇركيا, حورۆاتيا, ۋكراينا, بولگاريا, ماروككو, موناكو, سلوۆاكيا, اندوررا, ليحتەنشتەين, ليۆان, سونداي-اق, بوسنيا جانە گەرتسەگوۆينا قاتىسۋدان باس تارتتى.
ەلامان قوڭىر.
دەرەك: ntv.ru.
سۋرەت: wikipedia.org.