«ساتباەۆ وقۋلارى» Satbayev International Conference 2026 ءداستۇرلى حالىقارالىق كونفەرەنتسيانىڭ اشىلۋ سالتاناتىنا نوبەل سىيلىعىنىڭ لاۋرەاتى راە كۆون چۋن قاتىسىپ, ق.ساتباەۆ اتىنداعى قازۇتزۋ تۇراقتى دامۋ باعىتىنداعى جۇيەلى ەڭبەگىنە پىكىرىن ءبىلدىردى, دەپ جازادى Egemen.kz.
پروفەسسور اتاپ وتكەندەي, بۇگىنگى قازاقستان كليماتتىق سىن-قاتەرلەردى جاڭا مۇمكىندىكتەرگە ۇشتاستىرىپ, ەكونوميكالىق ءوسىم مەن جاڭا جۇمىس ورىندارىن قالىپتاستىرۋدا وزىق ۇلگى كورسەتىپ وتىر.
− «ساتباەۆ وقۋلارى» «كليماتتىڭ وزگەرۋىنىڭ سالدارىن بەيىمدەۋ جانە ازايتۋعا ارنالعان تەحنولوگيالار مەن يننوۆاتسيالار» تاقىرىبىن ارقاۋ ەتە وتىرىپ, عىلىم, مەملەكەت جانە بيزنەس وكىلدەرىن ورتاق ماقساتقا جۇمىلدىردى. بۇل تۇراقتى بولاشاققا باستار ناقتى شەشىمدەر ىزدەيتىن ماڭىزدى الاڭعا اينالدى. قازاقستان مەن ساتباەۆ ۋنيۆەرسيتەتىنىڭ تۇراقتى دامۋ ماسەلەلەرىنە ايرىقشا ءمان بەرۋى مەنى ەرەكشە اسەرگە بولەدى, − دەدى راە كۆون چۋن.
قازاقستان «جاسىل» ەكونوميكا قاعيداتتارىن ەرتە قابىلداپ, «جاسىل كوپىر» باستاماسىن ۇسىنعان العاشقى ەلدەردىڭ ءبىرى. بۇگىندە بۇل باعىت ناقتى ناتيجەسىن بەرىپ, كليماتتىق كۇن ءتارتىبى ەكونوميكالىق دامۋدىڭ قۋاتتى تەتىگىنە اينالىپ وتىر.
12 ءساۋىر – عىلىم قىزمەتكەرلەرىنىڭ كۇنى
«Turning Net-Zero into Growth and Job Creation Opportunities» اتتى نەگىزگى بايانداماسىندا ساراپشى كومىرتەكتىك بەيتاراپتىققا كوشۋ تەك ەكولوگيالىق جاۋاپكەرشىلىك ەمەس, سونىمەن بىرگە ەكونوميكانى جاڭعىرتۋدىڭ, جاڭا تەحنولوگيالاردى ەنگىزۋدىڭ ماڭىزدى درايۆەرى ەكەنىن اتاپ ءوتتى. اسىرەسە ۋنيۆەرسيتەتتەردىڭ بولاشاق مامانداردى دايارلاۋداعى جانە تۇراقتى دامۋ شەشىمدەرىن قالىپتاستىرۋداعى ايرىقشا رولىنە توقتالدى. كونفەرەنتسيانىڭ باستى يدەياسى – كليماتتىق سىن-قاتەرلەرگە ءتيىمدى جاۋاپ بەرۋ عىلىم, مەملەكەت جانە بيزنەس اراسىنداعى تىعىز ارىپتەستىكتىڭ ناتيجەسى. بۇل باعىتتارعا وراي فورۋمدا ءسوز سويلەگەن قانات ەرۋباەۆ, ارمان اشكين, نۇرسۇلتان قايىنباەۆ, نۇرمۇحامەد قارتاباەۆ, قۋانىش وماربەكوۆ جانە اكادەميك اسقار جۇمادىلداەۆ تا ءوز پىكىرىن ءبىلدىردى.
جەڭىسبەك تولەن: عىلىم ماڭىزدى سالاعا اينالدى
كونفەرەنتسيا ساتباەۆ ۋنيۆەرسيتەتىنىڭ عىلىمي جەتىستىكتەر كورمەسىمەن جالعاسىن تاپتى. ەنەرگەتيكا, ماتەريالتانۋ, تسيفرلىق تەحنولوگيالار جانە ەكولوگيا سالالارىنداعى تىڭ ازىرلەمەلەر كوپشىلىك نازارىنا ۇسىنىلدى. سونىمەن قاتار, قوناقتارعا ۋنيۆەرسيتەتتىڭ عىلىمي-زەرتتەۋ ورتالىقتارىنا ارنايى ەكسكۋرسيا ۇيىمداستىرىلىپ, زاماناۋي زەرتحانالار مەن يننوۆاتسيالىق ينفراقۇرىلىم تانىستىرىلدى. Satbayev International Conference 2026 («ساتباەۆ وقۋلارى») تاعى دا ءوز مارتەبەسىن ايقىنداپ, جاھاندىق ماسەلەلەر تالقىلاناتىن جانە تۇراقتى بولاشاقتىڭ ناقتى شەشىمدەرى قالىپتاساتىن بەدەلدى حالىقارالىق الاڭ ەكەنىن دالەلدەدى.
الماتى