قازاقستان قاراشىعاناقتاعى گاز وڭدەۋ زاۋىتىنىڭ قۇرىلىسىن جەدەلدەتۋدە. ەنەرگەتيكا ءمينيسترى ەرلان اقكەنجەنوۆ جىلىنا 5 ملرد تەكشە مەترگە دەيىن گاز وڭدەيتىن زاۋىت سالۋ 2029 جىلعا دەيىنگى گاز سالاسىن دامىتۋداعى نەگىزگى جوبالاردىڭ ءبىرى ەكەنىن اتاپ ءوتتى, دەپ حابارلايدى Egemen.kz.
ءمينيستردىڭ ايتۋىنشا, بۇل جوبا قازاقستان ءۇشىن اسا ماڭىزدى, سوندىقتان ونىڭ ىسكە قوسىلۋ مەرزىمىن كەيىنگە قالدىرۋعا بولمايدى.
«مەملەكەتكە ناقتى ناتيجە قاجەت», دەپ باسا ايتتى ول.
سونداي-اق, قاراشىعاناق جوباسىنداعى شەتەلدىك اكتسيونەرلەرمەن جۇرگىزىلىپ جاتقان كەلىسسوزدەرگە ەرەكشە نازار اۋدارىلدى.
قاراشىعاناق وپەراتورىنا 2 ملرد تەڭگە كولەمىندە ايىپپۇل سالىندى
مينيستر شيكى گاز جەتكىزىلىمىن قامتاماسىز ەتۋ, باعا كەلىسىمدەرى جانە زاۋىتتى كەن ورنىنىڭ قولدانىستاعى ينفراقۇرىلىمىمەن ءتيىمدى بىرىكتىرۋ ماڭىزدى ەكەنىن جەتكىزدى.