الەمدىك نارىقتا قازاقستاندىق كومىردىڭ ەكسپورتتىق باعاسى ايتارلىقتاي ءوسىپ كەلەدى. بۇعان ەۋروپا ەلدەرى مەن سولتۇستىك افريكا تاراپىنان سۇرانىستىڭ ارتۋى جانە جەتكىزۋ تىزبەگىندەگى تاۋەكەلدەر سەبەپ بولىپ وتىر, دەپ حابارلايدى Egemen.kz.
Finratings.kz ساراپشىلارىنىڭ مالىمەتىنشە, قازىرگى ۋاقىتتا ەۋروپا باعىتىنداعى ءىرى فراكتسيالى (0-300 مم) كومىردىڭ ءبىر تونناسى 130-135 دوللار كولەمىندە ساۋدالانىپ جاتىر. ال ۇساق فراكتسيالى (0-50 مم) كومىردىڭ باعاسى 113-115 دوللار توڭىرەگىندە تۇر. ناقتى كەلىسىمدەر دە وسى باعانى راستايدى: جاقىندا 30 مىڭ توننالىق پارتيا تونناسىنا 130 دوللاردان ساتىلعان.
قازاقستاندىق وتىنعا تەك ەۋروپا عانا ەمەس, سولتۇستىك افريكا ەلدەرى دە ۇلكەن قىزىعۋشىلىق تانىتىپ وتىر. ەۋروپا ەلدەرى زاق مەرزىمدى كەلىسىمشارتتار جاساۋدى بەلسەندى تۇردە جالعاستىرۋدا. ال ماروككونىڭ ەنەرگەتيكالىق كومپانياسى قازاقستاندىق كومىردىڭ التى پارتياسىن ساتىپ الىپ ۇلگەردى. مامىر-شىلدە ايلارىندا جەتكىزىلەتىن بۇل كومىردىڭ باعاسى تونناسىنا 113-115 دوللار بولىپ بەكىتىلگەن.
كومىر ەلەكتر ستانتسيالارىنداعى شىعارىندىلار 34 پايىزعا ازايادى
ساراپشىلار باعانىڭ قىمباتتاۋىن بىرنەشە فاكتورمەن بايلانىستىرادى. بىرىنشىدەن – جوعارى سۇرانىس, ەكىنشىدەن – قازاقستانداعى ءىرى كومىر كومپانيالارىنىڭ بىرىندەگى جۇمىس بارىسىنىڭ وزگەرۋىنە بايلانىستى تۋىنداعان الاڭداۋشىلىق. ساتىپ الۋشىلار بولاشاقتا دەفيتسيت بولۋى مۇمكىن دەپ قاۋىپتەنىپ, كولەمدى الدىن الا بەكىتىپ الۋعا تىرىسىپ وتىر.
مامانداردىڭ بولجامىنشا, الداعى ايلاردا كومىر نارىعىنداعى جاعداي ەكسپورتتىق اعىنداردىڭ تۇراقتىلىعىنا بايلانىستى بولماق.
ەلىمىزدەگى كومىر قورىنىڭ كولەمى قانشا جىلعا جەتەدى؟