جاڭا شارت بويىنشا گرين-كارتاعا ءوتىنىم بەرۋ تەك اقش-تان تىس جەرلەردە رۇقسات ەتىلەدى. بۇل شەشىم اقش-تا تۇراقتى تۇرۋ قۇقىعىنان ايىرىلعان قۇجاتسىز ميگرانتتاردىڭ سانىن ازايتادى, دەپ حابارلايدى Egemen.kz.
جاڭا ەرەجەلەرگە سايكەس, اقش-تىڭ گرين-كارتاسىن الۋعا ءوتىنىش بىلدىرگەن ازاماتتار ءوتىنىش قارالۋ كەزەڭىندە ەل اۋماعىنان شىعۋى ءتيىس.
«شەتەل ازاماتتارى ءوتىنىشتى ءوز ەلىنەن تاپسىرعان كەزدە, بۇل گرين-كارتا بەرۋدەن باس تارتىلعاننان كەيىن اقش-تا زاڭسىز قالىپ قوياتىن ادامداردى ىزدەۋ مەن دەپورتاتسيالاۋ قاجەتتىلىگىن ازايتادى», دەدى USCIS وكىلى زاك كالەر.
يمميگراتسيالىق قىزمەتتىڭ مالىمدەۋىنشە, ميگراتسيالىق ەمەس ساناتتاعى ازاماتتار — ستۋدەنتتەر, ۋاقىتشا جۇمىسشىلار مەن تۋريستەر — ساپار ماقساتى اياقتالعاننان كەيىن اقش اۋماعىنان كەتۋگە مىندەتتى.
گرين-كارتا الۋ تارتىبىنە ەنگىزىلگەن جاڭا ەرەجە دونالد ترامپ اكىمشىلىگىنىڭ يمميگراتسيالىق ساياساتتى كۇشەيتۋ باعىتىنداعى قادامدارىنىڭ ءبىرى بولىپ سانالادى.
ايتا كەتەيىك, اقش-تىڭ ىشكى قاۋىپسىزدىك ءمينيسترى كريستي نوەم ەلدەگى قاۋىپسىزدىك ماسەلەلەرىنە بايلانىستى ديۆەرسيفيكاتسيالىق ۆيزالىق لوتەرەيا (DV1) باعدارلاماسىن دەرەۋ توقتاتۋ تۋرالى شەشىم قابىلدادى. بۇل قادامعا براۋنوۆسك ۋنيۆەرسيتەتىندە بولعان قايعىلى وقيعا سەبەپ بولعان.