جامبىل وبلىسىندا 42 جىل قۇجاتسىز جۇرگەن ازامات العاش رەت جەكە كۋالىك الدى, دەپ حابارلايدى Egemen.kz
قورداي اۋدانى پوليتسيا ءبولىمىنىڭ كوشى-قون قىزمەتى قىزمەتكەرلەرى 42 جاستاعى تۇرعىننىڭ قۇقىقتىق مارتەبەسىن انىقتاپ, وعان قازاقستان رەسپۋبليكاسى ازاماتىنىڭ جەكە كۋالىگىن الۋىنا كومەك كورسەتتى.
ازامات ءومىر بويى جەكە باسىن كۋالاندىراتىن قۇجاتسىز جۇرگەن. قۇجاتتارىنىڭ جانە تۇراقتى تۇرعىلىقتى مەكەنجايىنىڭ بولماۋىنا بايلانىستى ول ۇزاق جىلدار بويى قيىن الەۋمەتتىك جاعدايدا ءومىر ءسۇرىپ, ازاماتتىق قۇقىقتارىن تولىق پايدالانا الماعان.
قورداي اۋدانىنا كوشىپ كەلگەننەن كەيىن شالعاي تاۋلى ايماقتا مالشى بولىپ جۇمىس ىستەگەن.
پوليتسيا قىزمەتكەرلەرى الدىمەن ونىڭ جەكە باسىن انىقتاۋ جۇمىستارىن جۇرگىزىپ, قاجەتتى مالىمەتتەردى قالپىنا كەلتىرۋ, قۇجاتتارىن راسىمدەۋ, ارحيۆتىك دەرەكتەردى جيناۋ جانە جەكە مالىمەتتەرىن تەكسەرۋ بويىنشا ءتيىستى سۇرانىستار جولدادى. ناتيجەسىندە قاجەتتى قۇجاتتاردىڭ تولىق توپتاماسى دايىندالدى.
بارلىق كەزەڭدە ازاماتقا قۇقىقتىق كەڭەس بەرىلىپ, پراكتيكالىق كومەك كورسەتىلدى.
جۇرگىزىلگەن جۇمىستاردىڭ ناتيجەسىندە 20 مامىردا ازامات العاش رەت قازاقستان رەسپۋبليكاسى ازاماتىنىڭ جەكە كۋالىگىن الدى.
ول قورداي اۋداندىق پوليتسيا ءبولىمىنىڭ باسشىلىعى مەن قىزمەتكەرلەرىنە, سونداي-اق «ايالا» وتباسىن قولداۋ ورتالىعىنا العىس ءبىلدىرىپ, كورسەتىلگەن كومەك ونىڭ ومىرىندەگى جاڭا كەزەڭنىڭ باستالۋىنا سەبەپ بولعانىن ايتتى.