مەملەكەت باسشىسى قاسىم-جومارت توقاەۆ مامىر مەرەكەلەرى كەزىندە پرەزيدەنت ءىس باسقارماسىنىڭ اتقوراسىنا باردى. پرەزيدەنت مۇندا ءار جىلدارى وزىنە سىيعا تارتىلعان ارعىماقتاردىڭ كۇتىمىن كوردى, دەپ حابارلايدى Egemen.kz.
مەملەكەت باسشىسى وسىدان ءبىر جىل بۇرىن اقالتەكە تۇقىمداس قىلاڭ بوز تايعا اقجان دەگەن ات بەرگەن بولاتىن. بۇگىندە شوقتىعى بيىك, قاز مويىن, دەنەسى سىلىڭعىر بۇل جانۋار ءوزىنىڭ ەرەكشە بولمىس-بىتىمىمەن كوز تارتادى.
سونداي-اق پرەزيدەنت اتقوراعا جاڭادان قوسىلعان قۇلا تۇستەس ق ۇلىنعا اقنيەت دەپ ات قويدى. اتبەگىلەر مەن ماماندار بۇل تۇلپاردىڭ بولاشاعىنان زور ءۇمىت كۇتىپ, حالىقارالىق جارىستاردا توپ جاراتىنىن ايتادى.
اتقورادا قاتار ەلىنەن سىيعا كەلگەن اسىل تۇقىمدى ارابى ارعىماقتار دا بار.
قاسىم-جومارت توقاەۆ بوس ۋاقىتىندا اتقوراعا كەلىپ, جىلقىلارعا ءوز قولىمەن جەم بەرىپ تۇرادى.