قىتاي بىرنەشە پروۆينتسياداعى سۋ تاسقىنىنا بايلانىستى ءتورتىنشى دەڭگەيلى توتەنشە جاعداي جاريالادى, دەپ حابارلايدى Egemen.kz.
قىتايدىڭ سۋ تاسقىنى مەن قۇرعاقشىلىققا قارسى مەملەكەتتىك شتابى حۋبەي پروۆينتسياسى مەن چۋنتسين ايماعىندا سۋ تاسقىنىمەن كۇرەسكە بايلانىستى توتەنشە جاعدايدىڭ ءتورتىنشى دەڭگەيىن ەنگىزدى.
سۋ تاسقىنىنىڭ الدىن الۋ جۇمىستارىنا كومەك كورسەتۋ ءۇشىن حۋبەي پروۆينتسياسىنا ارنايى جۇمىس توبى جىبەرىلدى.
سونىمەن قاتار شتاب 23–27 مامىر ارالىعىندا نەگىزگى ايماقتاردا كۇتىلەتىن نوسەر جاۋىنداردىڭ جاڭا تولقىنىنا بايلانىستى سۋ تاسقىنىنا قارسى شارالاردى قابىلداۋ ماقساتىندا ءتيىستى مينيسترلىكتەر مەن ۆەدومستۆولارمەن كەڭەس وتكىزدى.
سوڭعى مالىمەتتەرگە سايكەس, قىتايدىڭ ورتالىق بولىگىندەگى نوسەر جاۋىن سالدارىنان 7 ادام قازا تاپتى. تاعى 14 ادام ءىز-ءتۇزسىز جوعالدى.
ايتا كەتەيىك, قىتايداعى كومىر شاحتاسىندا گاز جارىلىپ, 90 ادام قازا تاپتى.