دۇنيەجۇزىلىك توعىزقۇمالاق فەدەراتسياسى مەن قر ارداگەرلەر كەڭەسى قازاقتىڭ ۇلتتىق زياتكەرلىك ويىنى – توعىزقۇمالاقتى دامىتۋ بويىنشا ورتاق كەلىسىمگە كەلدى. فەدەراتسيا پرەزيدەنتى اليحان بايمەنوۆ پەن كەڭەس توراعاسى ابىلعازى قۇسايىنوۆ ەكى ۇيىمنىڭ اراسىنداعى ىنتىماقتاستىق تۋرالى مەموراندۋمعا قول قويدى, دەپ جازادى Egemen.kz.
جيىندا توعىزقۇمالاق جاستار تاربيەسىندە عانا ەمەس, ارداگەرلەردىڭ ينتەللەكتۋالدىق, فيزيكالىق, مەنتالدى قالپىن ساقتاپ, دامىتۋدا پايدالى قۇرال ەكەندىگى ايتىلدى.
ماڭعىستاۋلىق وقۋشى توعىزقۇمالاقتان الەم چەمپيونى اتاندى
اليحان بايمەنوۆتىڭ ايتۋىنشا, كەيبىر وبلىستارداعى بەلسەندى قاريالىق ورتالىقتار تاجىريبەسى توعىزقۇمالاقتىڭ ەگدە ادامداردىڭ دا دەنساۋلىعىنا وڭ اسەرىن كورسەتكەن.
«ويتكەنى, مۇندا ميمەن قاتار قۇمالاق ۇلەستىرگەندەگى موتوريكا – قول, ساۋساقتار قيمىلى قاتار جۇمىس جاسايدى. بۇل ادامداردىڭ بابىندا ساقتالۋىنا, ءومىر ءسۇرۋىن ۇزارتۋعا قوسىمشا فاكتور بولا الاتىندىعىن زەرتتەۋشىلەر پىكىرلەرى مەن ورتالىقتار تاجىريبەسى بايقاتادى» دەدى فەدەراتسيا پرەزيدەنتى.
سوندىقتان اليحان بايمەنوۆ ارداگەرلىك ۇيىمدارمەن جۇمىس ىستەۋگە مۇددەلى ەكەندىكتەرىن اتاپ ءوتتى. مەموراندۋم توعىزقۇمالاقتى دارىپتەپ, ناسيحاتتاۋ ءۇشىن جارىستار, سەمينارلار, ءتۇرلى وقۋ-جاتتىعۋ شارالارىن بىرلەسە وتكىزۋگە باعىتتالعان.
ابىلعازى قۇسايىنوۆ تا ءوز تاراپىنان ارداگەرلەر ۇلتتىق-مادەني مۇرامىز – توعىزقۇمالىقتى ناسيحاتتاۋعا ءوز ۇلەستەرىن قوسۋعا ىنتالى ەكەندىكتەرىن ءبىلدىردى. ۇلتتىق مادەني مۇرانىڭ جارقىن ۇلگىسى - توعىزقۇمالاقتىڭ ارداگەرلەر اراسىندا كەڭىنەن تارالۋى ۇلگىمەن تاربيەلەۋ تۇرعىسىنان دا, جاسامپازدىقتى ساقتاۋ تۇرعىسىنان دا ماڭىزدى ەكەندىگى ايتىلدى.
جاھاندىق جارىس: ەلىمىز توعىزقۇمالاقتان 30 مەدال ەنشىلەدى
كەزدەسۋ سوڭىندا اليحان بايمەنوۆ ابىلعازى قۇسايىنوۆقا توعىزقۇمالاق تاقتاسىن تارتۋ ەتىپ, ەكى ۇيىم باسشىلارى جانە ارداگەرلەر كەڭەسى توراعاسى ءبىرىنشى ورىنباسارى اباي تاسبۋلاتوۆ العاشقى پارتيانى وينادى.
قازاقستاندا شامامەن 80 مىڭنان استام ارداگەر بار دەپ سانالادى. توعىزقۇمالاقپەن اينالىساتىن قازاقستاندىقتار جالپى سانى 200 مىڭنان اسقان. الەمنىڭ 50-دەن استام ەلىندە قازاقتىڭ ۇلتتىق ويىنى – توعىزقۇمالاقتى كاسىبي دەڭگەيدە وينايتىن سپورتشىلار تىركەلگەن.
ايتا كەتەيىك, مۇحتار اۋەزوۆتىڭ 1950 جىلى توعىزقۇمالاق ويناپ وتىرعان سۋرەتى تابىلدى.