قوستانايدا جولاۋشىلار اۆتوبۋسى مەن Toyota Alphard سوقتىعىستى, دەپ حابارلايدى Egemen.kz.
جول-كولىك وقيعاسى كەشە نازارباەۆ پەن پرومىشلەننايا كوشەلەرىنىڭ قيىلىسىندا بولدى.
پوليتسيانىڭ الدىن الا مالىمەتى بويىنشا اۆتوبۋس جۇرگىزۋشىسى كەرى بۇرىلۋ كەزىندە Toyota Alphard كولىگىنە جول بەرمەي, سالدارىنان جول اپاتى بولعان. سالدارىنان ەكى كولىكتىڭ دە جۇرگىزۋشىسى اۋرۋحاناعا جەتكىزىلدى. جول-كولىك وقيعاسى كەزىندە اۆتوبۋستا جولاۋشىلار بولماعان.
ءال-فارابي داڭعىلىنداعى جول اپاتى: سوت وتىرىسى 28 مامىردا وتەدى
وقيعا فاكتىسى بويىنشا سوتقا دەيىنگى تەرگەۋ باستالدى. قازىرگى ۋاقىتتا پوليتسيا قىزمەتكەرلەرى اپاتتىڭ بارلىق ءمان-جايىن انىقتاپ جاتىر.
پوليتسيا جۇرگىزۋشىلەرگە جول قوزعالىسى ەرەجەلەرى مەن جىلدامدىق رەجيمىن ساقتاۋ قاجەتتىگىن ەسكە سالدى.
ايتا كەتەيىك, شىعىس قازاقستاندا جانتۇرشىگەرلىك جول اپاتىنان ءۇش جىگىت كوز جۇمدى.