استانادا 28 مامىر كۇنى قازاقستان رەسپۋبليكاسى اۋە قورعانىس كۇشتەرىنىڭ جوسپارلى ءىس-شارالارى اياسىندا قالا اسپانىندا جويعىش ۇشاقتاردىڭ كورسەتىلىمدىك ۇشۋى وتەدى, دەپ حابارلايدى Egemen.kz
ءىس-شاراعا دايىندىققا بايلانىستى 24 مامىردان باستاپ ەلوردا اۋە كەڭىستىگىندە اسكەري اۆياتسيانىڭ وقۋ-جاتتىعۋ ۇشۋلارى باستالادى.
جويعىش ۇشاقتاردىڭ ۇشۋى مەن جاتتىعۋ شارالارى قاۋىپسىز بيىكتىكتە جۇرگىزىلىپ, قالا تۇرعىندارىنىڭ قالىپتى تىنىس-تىرشىلىگىنە كەدەرگى كەلتىرمەيتىندىگى ايتىلىپ وتىر.
اۋە قورعانىسى كۇشتەرى ەلوردا تۇرعىندارى مەن قوناقتارىنان جاتتىعۋلار مەن كورسەتىلىمدىك ۇشۋ كەزەڭىندە تۋىنداۋى مۇمكىن قىسقا مەرزىمدى شۋ دەڭگەيىنىڭ جوعارىلاۋىنا تۇسىنىستىكپەن قاراۋدى سۇرايدى.
اۋە قورعانىس كۇشتەرى ەسكەرتەدى:
– بارلىق ۇشۋلار قاۋىپسىزدىك تالاپتارىنا سايكەس ۇيىمداستىرىلعان جانە حالىققا ەشقانداي قاۋىپ توندىرمەيدى;
– ءتۇرلى ءتۇستى تۇتىندەردى قولدانۋ تەك كورسەتىلىمدىك سيپاتقا يە جانە قورشاعان ورتاعا زيان كەلتىرمەيدى.