قازاق سپورت جانە تۋريزم اكادەمياسىنىڭ پرەزيدەنتى قايرات زاكيريانوۆ جاس فۋتبولشى داستان ساتپاەۆقا ارنايى اكادەميالىق گرانت تابىستادى, دەپ حابارلايدى Egemen.kz.
قازىرگى تاڭدا مەكتەپ قابىرعاسىندا ءبىلىم الىپ جۇرگەن داستان ساتپاەۆ جاس بولسا دا, ءوزىنىڭ ەڭبەكقورلىعى مەن تالانتىنىڭ ارقاسىندا كوپشىلىكتىڭ نازارىن اۋدارىپ ۇلگەردى. ونىڭ فۋتبولعا دەگەن ەرەكشە ىنتاسى مەن تاباندىلىعى حالىقارالىق دەڭگەيدە باعالانىپ, انگليانىڭ ايگىلى Chelsea F.C. كلۋبىنىڭ نازارىن وزىنە اۋداردى. جاس سپورتشىنىڭ شەتەلدىك كلۋب تاراپىنان شاقىرتۋ الۋى — قازاق فۋتبولى ءۇشىن تاريحي ءارى قۋانىشتى جاڭالىق.
«چەلسي» جانكۇيەرلەرى داستان ساتپاەۆتىڭ گولىنا ءتانتى بولدى
اكادەميا پرەزيدەنتى قايرات زاكيريانوۆ فۋتبولشىعا گرانت تابىستاي وتىرىپ, ءبىلىم مەن سپورتتى قاتار الىپ ءجۇرۋدىڭ ماڭىزىن ەرەكشە اتاپ ءوتتى. اكادەميا تاراپىنان كورسەتىلگەن بۇل قولداۋ — جاس سپورتشىنىڭ بولاشاعىنا جاسالعان ينۆەستيتسيا عانا ەمەس, دارىندى جاستارعا بەرىلگەن ۇلكەن مۇمكىندىك.
ەسكە سالايىق, بۇعان دەيىن داستان ساتپاەۆقا «دارىن» مەملەكەتتىك جاستار سىيلىعى تابىستالعان بولاتىن.