فيليپپيندە مايون جانارتاۋى اتقىلاي باستادى. مىڭداعان ادام قاۋىپسىز جەرگە كوشىرىلدى. ءفيليپپيننىڭ ۆۋلكانولوگيا جانە سەيسمولوگيا ينستيتۋتى قاۋىپ دەڭگەيىن 5 بالدىق شكالا بويىنشا 3-دەڭگەي دەپ جاريالادى. ماماندار جانارتاۋدىڭ اتقىلاۋى جالعاسۋى مۇمكىن ەكەنىن ەسكەرتتى, دەپ حابارلايدى Egemen.kz.
قازىرگى تاڭدا ەۆاكۋاتسيالىق ورتالىقتاردا 1 500 وتباسى, ياعني 5 000-نان استام ادام ورنالاستىرىلعان. الەۋمەتتىك قورعاۋ دەپارتامەنتى 8 شاقىرىم راديۋستا تۇراتىن تۇرعىنداردى بارىنشا ساق بولۋعا شاقىردى.
تابيعي اپات الباي پروۆينتسياسى اۋماعىنداعى 52 ەلدى مەكەنگە اسەر ەتكەن. كاماليگ, گينوباتان, داراگا جانە ليگاو ايماقتارىندا قاتتى جاۋىن-شاشىن تىركەلدى.
قىزىل كرەست ەرىكتىلەردى كومەككە جىبەردى. بيلىك تۇرعىندارعا جۇزدەگەن قوراپ رەسپيراتور جەتكىزگەن. ماماندار تۇرعىندارعا تەرەزە مەن ەسىكتى جاۋىپ, سىرتتا ماسكا تاعۋعا كەڭەس بەردى.
مايون جانارتاۋىنىڭ بيىكتىگى – شامامەن 4 200 مەتر. سوڭعى 400 جىلدا ول 50-دەن استام رەت اتقىلاعان. ەڭ جويقىن اپات 1814 جىلى بولىپ, 1 200 ادام قازا تاپقان.