استانادا LRT جەلىسىنىڭ قوسشى باعىتىنداعى ەكىنشى كەزەڭىنىڭ قۇرىلىسى رەسمي تۇردە باستالدى. ەلوردا اكىمدىگىنىڭ حابارلاۋىنشا, جوبا اياسىندا العاشقى تىرەۋىشتەردى ورناتۋ جۇمىستارى قارقىن الدى, دەپ جازادى Egemen.kz.
قازىرگى ۋاقىتتا قۇرىلىس الاڭىندا العاشقى تىرەۋىشتى قۇيۋ جۇمىستارى اياقتالدى. سونىمەن قاتار ەلوردانىڭ بەتون زاۋىتىندا ەستاكادالىق بولىككە ارنالعان العاشقى تەمىربەتون ارقالىق (بالكا) دايىندالىپ شىقتى.
قوسشى باعىتى بويىنشا بارلىعى 300-دەن استام تىرەۋىش تۇرعىزىلادى. 538 قۇراما تەمىربەتون ارقالىق مونتاجدالادى. 8 ءمونوليتتى ارقالىق ورناتۋ جوسپارلانعان.
LRT كولىك كارتاسىنا ءوتىنىم بەرۋ قاشان باستالادى؟
مامانداردىڭ ايتۋىنشا, بۇل جوبانىڭ جۇزەگە اسىرىلۋى ەلوردانىڭ كولىك ينفراقۇرىلىمىن جاڭا دەڭگەيگە كوتەرىپ, قالا مەن ىرگەلەس جاتقان قوسشى سەرىكتەس قالاسى اراسىنداعى قاتىناستى ەداۋىر جەڭىلدەتپەك.
ەسكە سالا كەتەيىك, استانادا LRT جەلىسىنىڭ جىلجىمالى قۇرامى مەن نەگىزگى جۇيەلەرىن تەستىلىك سىناقتان وتكىزۋ جۇمىسى تولىق كولەمدە اياقتالدى.