ءال-فارابي اتىنداعى قازاق ۇلتتىق ۋنيۆەرسيتەتىندە ءداستۇرلى V حالىقارالىق فارابي فورۋمى قورىتىندىلاندى, دەپ حابارلايدى Egemen.kz.
اۋقىمدى جيىن ۇزدىك ستۋدەنتتىك يننوۆاتسيالىق جوبالار كورمەسىمەن باستالدى. فورۋم اشىلۋىندا زاماناۋي تەحنولوگيالاردىڭ مۇمكىندىگى كەڭىنەن قولدانىلدى. جيىلعاندارعا جاساندى ينتەللەكت ارقىلى جاسالعان ءابۋ ناسر ءال-ءفارابيدىڭ بەينەروليگى كورسەتىلىپ, ۇلى عۇلامانىڭ وسيەتى مەن عىلىمي مۇراسى تسيفرلىق نۇسقادا قايتا جاڭعىردى. بۇل فورۋمنىڭ باستى ماقساتى – وتكەننىڭ اسىل قازىناسىن بولاشاقتىڭ يننوۆاتسيالارىمەن ساباقتاستىرۋ ەكەنىن اڭعارتتى.
توقاەۆ: جوعارى مەملەكەتتىك ماراپاتتار تىزىمىنە ء«ال-فارابي» وردەنى ەنگىزىلەدى
شارانىڭ جابىلۋ راسىمىندە ءسوز سويلەگەن قازۇۋ-دىڭ باسقارما توراعاسى-رەكتور جانسەيىت تۇيمەباەۆ عىلىمنىڭ ەل دامۋىنداعى ستراتەگيالىق ماڭىزىنا توقتالىپ, پرەزيدەنت قاسىم-جومارت توقاەۆتىڭ ۇستانىمىن جەتكىزدى:
«ەلدىڭ ينتەللەكتۋالدى قۋاتى تىكەلەي عالىمداردىڭ يدەيالارى مەن زەرتتەۋلەرى, عىلىمي ناتيجەلەرى ارقىلى انىقتالادى. ءال-فارابي اتىنداعى قازۇۋ ءۇشىن عىلىم – ستراتەگيالىق باسىمدىق. ءبىز ىرگەلى جانە قولدانبالى زەرتتەۋلەردى دامىتۋعا, جاس عالىمداردى قولداۋعا جانە حالىقارالىق ىنتىماقتاستىقتى نىعايتۋعا بار كۇش-جىگەرىمىزدى جۇمسايمىز» دەپ اتاپ ءوتتى ۋنيۆەرسيتەت باسشىسى.
فورۋمنىڭ حالىقارالىق اۋقىمى فرانتسيا, يتاليا, پولشا, قىتاي, تۇركيا, ازەربايجان جانە ورتالىق ازيا ەلدەرىنەن كەلگەن 105 شەتەلدىك عالىمنىڭ قاتىسۋىمەن ايشىقتالدى.
شارانىڭ باستى وقيعالارىنىڭ ءبىرى رەتىندە يسلام ۇيىمىمەن ازىق-ت ۇلىك قاۋىپسىزدىگى سالاسىنداعى ستراتەگيالىق ىنتىماقتاستىق تۋرالى مەموراندۋمعا قول قويىلدى. يسلام ۇيىمىنىڭ ازىق-ت ۇلىك قاۋىپسىزدىگى جونىندەگى باس ديرەكتورى بەرىك ارىن ۋنيۆەرسيتەتتىڭ عىلىمي الەۋەتىنە جوعارى باعا بەردى:
ء«بىزدىڭ ۇيىمعا 41 مەملەكەت مۇشە, باستى ماقساتىمىز – تۇراقتى اۋىل شارۋاشىلىعىن دامىتۋ جانە ازىق-ت ۇلىك قاۋىپسىزدىگىن قامتاماسىز ەتۋ. V حالىقارالىق فارابي فورۋمىندا جاساندى ينتەللەكت, تسيفرلاندىرۋ جانە تۇراقتى دامۋ ماقساتتارىنىڭ تالقىلانۋى ۋنيۆەرسيتەتتىڭ جاھاندىق ماسەلەلەرگە بەلسەندى ارالاسۋىن كورسەتەدى. قازۇۋ-دىڭ زاماناۋي زەرتحانالارى مەن سۋپەركومپيۋتەر قۋاتى ءبىزدىڭ حالىقارالىق ميسسيامىز ءۇشىن ۇلكەن تىرەك. بۇگىنگى مەموراندۋم وسى بايلانىسىمىزدى رەسمي تۇردە بەكىتتى», دەپ مالىمدەدى.
سونىمەن قاتار مارتەبەلى مەيمان فورۋم اياسىندا عىلىم جولىندا العاشقى قادامدارىن جاساپ جاتقان ءبىر توپ جاس عالىمدارعا ارنايى ماراپاتتار تابىس ەتتى.
فارابيتانۋدىڭ ەلەۋلى بەلەسى
سالتاناتتى شارا شەتەلدىك قوناقتاردىڭ قۇتتىقتاۋ تىلەگىمەن جالعاستى. بولونيا ۋنيۆەرسيتەتىنىڭ (يتاليا) پروفەسسورى, بۇۇ-نىڭ ورتالىق ازياداعى ەرىكتىسى روبەرتو بولتري:
«بۇل فورۋم – عىلىم مەن مادەنيەتتىڭ توعىسقان نۇكتەسى. قازۇۋ-دىڭ الەمدىك دەڭگەيدەگى زەرتتەۋ ورتالىقتارىمەن ەركىن باسەكەلەسە الاتىن الەۋەتى بار ەكەنىنە كەزەكتى رەت كوز جەتكىزدىك», دەپ ريزاشىلىعىن بىلدىرسە, بۇحارا حالىقارالىق ۋنيۆەرسيتەتىنىڭ رەكتورى شاريف باراتوۆ ەكىجاقتى اكادەميالىق بايلانىستاردى جانداندىرۋدىڭ ماڭىزدىلىعىنا نازار اۋداردى.
فورۋم بارىسىندا عىلىم قىزمەتكەرلەرى كۇنىنە وراي, ۋنيۆەرسيتەتتىڭ وقىتۋشى-پروفەسسورلىق قۇرامى مەن عىلىمي قىزمەتكەرلەرىنىڭ ەڭبەگى ەرەكشە اتالىپ ءوتتى. اكادەميالىق ورتانى دامىتۋعا قوسقان زور ۇلەسى ءۇشىن بىرقاتار عالىمدارعا ارنايى ماراپاتتار بەرىلدى.
جيىن سوڭىندا «قازۇۋ ۇزدىك جاس عالىمى» مەن ستۋدەنتتىك بيزنەس-ينكۋباتورلار بايقاۋىنىڭ لاۋرەاتتارى انىقتالىپ, باسقوسۋ جەڭىمپازداردىڭ قۇرمەتىنە ارنالعان سالتاناتتى فوتوسەسسيامەن تامامدالدى.
ءداستۇرلى فورۋم اياسىندا ءۇش حالىقارالىق عىلىمي-تاجىريبەلىك كونفەرەنتسيا, دوڭگەلەك ۇستەلدەر مەن ۆوركشوپتار سەرياسى ۇيىمداستىرىلدى. سونىمەن قاتار ۋنيۆەرسيتەتتىڭ بارلىق فاكۋلتەتتەرىندە ستۋدەنتتەر مەن جاس زەرتتەۋشىلەردىڭ باسىن قوسقان «فارابي الەمى» كونفەرەنتسياسى ءوتتى. حالىقارالىق پلاتفورما قاتىسۋشىلارعا تەك عىلىمي ىزدەنىستەرىن تانىستىرىپ قانا قويماي, فيلوسوفيا مەن ءبىلىم سالاسىنداعى وزەكتى ماسەلەلەردى تالقىلاۋعا, وزىق تاجىريبە الماسۋعا جانە جاڭا حالىقارالىق جوبالاردىڭ نەگىزىن قالاۋعا جول اشتى.
الماتى