داستان مۇحامەدراحىم فرانتسيانىڭ كانن قالاسىندا وتكەن WIBA Travel Awards ماراپاتتاۋ راسىمىندە «ۇزدىك ساياحاتشى-بلوگەر 2026» نوميناتسياسىن جەڭىپ الدى. بۇل تۋرالى بلوگەر ءوزىنىڭ جەكە پاراقشاسىندا جاريالادى دەپ حابارلايدى Egemen.kz
اباي وبلىسىندا قازاق ءتىلى مەن ادەبيەت پانىنەن مۇعالىم بولعان داستان مۇحامەدراحىم قازىرگى تاڭدا الەمدەگى تانىمال جۇلدىزدارمەن جۇمىس ىستەپ ءجۇر. ۆيدەوگرافتىڭ جۇمىسىنا شەت مەملەكەتتەن قىزىعۋشىلىق وتە جوعارى.
ەستەرىڭىزگە سالايىق, قازاقستاندىق ۆيدەوگراف جانە ترەۆەل-بلوگەر «ورمەكشى ادام: جاڭا كۇن» (2026 جىلدىڭ جازىندا شىعادى دەپ كۇتىلۋدە) ءفيلمىنىڭ الەمدىك پروموكامپانياسىنىڭ قاتىسۋشىسى بولدى. ول كارتينانىڭ ترەيلەرىن ۇسىنعان تانىمال تۇلعالاردىڭ قاتارىندا بولدى. اتالعان ءفيلمنىڭ باستى ءرولدى سومداۋشى توم حوللاندتان ءوزى داستانعا جەكە بەينە حابارلاما جىبەرىپ, پروموكامپانياعا قاتىسۋىن سۇراعان ەدى.