مەملەكەت باسشىسى قاسىم-جومارت توقاەۆتىڭ جارلىقتارىمەن قازاقستاننىڭ كورەيا مەن ميانماداعى ەلشىلەرى تاعايىندالدى, دەپ حابارلايدى Egemen.kz.
مەملەكەت باسشىسىنىڭ جارلىقتارىمەن:
اسەت جەڭىس ۇلى يسەنالي قازاقستان رەسپۋبليكاسىنىڭ كورەيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى;
قازاقستان رەسپۋبليكاسىنىڭ تايلاند كورولدىگىندەگى توتەنشە جانە وكىلەتتى ەلشىسى, بۇۇ ازيا مەن تىنىق مۇحيتقا ارنالعان ەكونوميكالىق جانە الەۋمەتتىك كوميسسياسى (ەسكاتو) جانىنداعى قازاقستان رەسپۋبليكاسىنىڭ تۇراقتى وكىلى مارعۇلان باقىت ۇلى بايمۇحان قازاقستان رەسپۋبليكاسىنىڭ ميانما وداعى رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.
مەملەكەت باسشىسى يراك پرەزيدەنتىنە قۇتتىقتاۋ جەدەلحاتىن جولدادى
سونىمەن قاتار, پرەزيدەنت جارلىعىمەن نۇرعالي الماسباي ۇلى ارىستانوۆ قازاقستان رەسپۋبليكاسىنىڭ كورەيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى.