استانادا اۋكتسيونعا قويىلعان, پەريزات قايراتقا تيەسىلى بولعان Mercedes-Benz S 450 كولىگى ساتىلماي, پوليتسيانىڭ پايدالانۋىنا بەرىلدى, دەپ جازادى Egemen.kz.
مەملەكەتتىك م ۇلىك جانە جەكەشەلەندىرۋ دەپارتامەنتىنىڭ مالىمەتىنشە, زاڭ بويىنشا مۇنداي اكتيۆتەر الدىمەن مەملەكەتتىك مەكەمەلەرگە ۇسىنىلادى. تەك سۇرانىس بولماعان جاعدايدا عانا ساتىلىمعا شىعارىلادى.
2026 جىلعى 7 ساۋىردەگى حاتتاماعا سايكەس, كولىكتى استانا قالاسىنىڭ پوليتسيا دەپارتامەنتى يەلەندى. قازىر ونى ۆەدومستۆو بالانسىنا راسىمدەۋ جۇمىستارى جۇرگىزىلىپ جاتىر.
پەريزات قايراتتان تاركىلەنگەن كولىك مەملەكەتتىك ورگانداردىڭ مەنشىگىنە بەرىلدى
بەلگىلى بولعانداي, كولىككە 2024 جىلعى 19 قاراشادا سوت شەشىمىمەن تىيىم سالىنعان. ال 2025 جىلعى 25 شىلدەدە پەريزات قايرات ءىسى بويىنشا ۇكىم شىققان. م ۇلىككە قاتىستى شەشىمدەر ۇكىمدى ورىنداۋ بارىسىندا قابىلدانادى.
پەريزات قايراتتىڭ ادۆوكاتى اپەللياتسيالىق سوتقا شاعىم ءتۇسىردى
باعالاۋ ەسەبىنشە, اۆتوكولىكتىڭ تەحنيكالىق جاعدايى جاقسى. ونى پوليتسيانىڭ قانداي ماقساتتا پايدالاناتىنى ناقتىلانبادى.
ەسكە سالايىق, پەريزات قايراتتان تاركىلەنگەن م ۇلىك قاتارىندا بىرنەشە پاتەر, قىمبات كولىكتەر, بيزنەس ۇلەسى مەن ءىرى كولەمدەگى قاراجات بار.
پەريزات قايرات 1,5 ملرد تەڭگەنى جىمقىردى دەگەن ايىپپەن 10 جىلعا سوتتالدى, اناسى 7 جىلعا باس بوستاندىعىنان ايىرىلدى.