الماتى. 30 ماۋسىم. توكيودان وساكاعا بەت العان جولاۋشىلار جۇردەك پويىزى جارتى جولدا جىلدامدىعىن تەجەپ, توقتاۋعا ءماجبۇر بولدى. وعان سەبەپ – الدىڭعى ۆاگوننىڭ ءبىر جولاۋشىسى تۋالەتكە كىرىپ, تۇلا بويىنا تەز تۇتانعىش سۇيىق شاشىپ, وزىنە-ءوزى وت قويعان. بۇل تۋرالى ۆۆس حابارلادى.
ءوزىن ورتەگەن ادام سول جەردە قازا تاپقان. ال اۋىر كۇيىك الىپ, تۇنشىققان سول ۆاگونداعى تاعى ءبىر جولاۋشى اۋرۋحاناعا جەتپەي كوز جۇمدى. ابىروي بولعاندا ۆاگون تۇتىنگە تولعان ساتتە, بار جىلدامدىقپەن كەلە جاتقان 1000 جولاۋشىسى بار جۇردەك پويىز توقتاپ ۇلگەرگەن. العاشقى تەرگەۋ قورىتىندىسى – مارقۇم جولاۋشىنىڭ بويجەتكەن ەكەنىن انىقتادى.
تۇتىنگە شاشالعان بارلىق جولاۋشىعا دارىگەرلىك كومەك كورسەتىلدى.
جاپونيادا ساعاتىنا 200 شاقىرىم جىلدامدىقپەن جۇيتكيتىن مۇنداي جۇردەك پويىزدار بۇكىل الەمدەگى ەڭ قاۋىپسىز كولىك سانالادى. وكىنىشكە وراي, ەلۋ جىل ىشىندە بۇل پويىزدا ءبىرىنشى رەت ادام ءولىمى تىركەلدى.
تالعات ءسۇيىنباي.
دەرەك: ۆۆس.
سۋرەت: AP, Reuters.