استانا. 30 ماۋسىم. اللا پۋگاچەۆا ءىنىسىنىڭ نەمەرەسىن قامقورلىعىنا الىپ, ونى رەسمي تۇردە راسىمدەپ الدى. بۇل تۋرالى «قازاقپارات» حابارلادى.
اتاقتى ءانشى اسىراپ العان 4 جاسار ەۆگەني – ونىڭ 2011 جىلى دۇنيە سالعان ءىنىسىنىڭ نەمەرەسى.
حابارلامادا بالانىڭ اتا-اناسىنىڭ ەسىرتكىگە تاۋەلدى بولعانى ايتىلعان. سونداي-اق, ەۆگەنيدىڭ اناسى ۆيكتوريا فادەەۆا كولىكتى ايداپ اكەتكەنى جانە توناۋشىلىق جاساعانى ءۇشىن ەكى رەت سوتتالعان. بۇگىندە ونىڭ ۇلكەن ۇلى 17 جاستاعى يۆان اجەسىنىڭ تاربيەسىندە. ويتكەنى, جەتكىنشەكتەردىڭ اكەسى مەن اناسى اتا-انالىق قۇقىقتارىنان ايىرىلعان.
ايتا كەتەيىك, ءىنىسىنىڭ قازاسىنان كەيىن اللا پۋگاچەۆا ونىڭ وتباسىنا قولداۋ كورسەتىپ كەلەدى.
تالعات رايىمبەك.
دەرەك, سۋرەت: «قازاقپارات».