استانا. 30 ماۋسىم. جاپونيانىڭ وڭتۇستىگىندە سوڭعى 50 جىلدا بولماعان نوسەر جاڭبىر جاۋدى. سينوپتيكتەردىڭ بولجامى بويىنشا, نوسەر 1 شىلدەگە دەيىن تولاستامايدى. بۇل تۋرالى ريا «نوۆوستي» حابارلادى.
جاۋىننىڭ كۇشتىلىگى جاعىنان رەكوردتىق نوسەر كۇنى كەشە جاپونيانىڭ توكۋنوسيما ارالىندا دا تىركەلگەن. ايماقتا قازىر داۋىل تۋرالى ەسكەرتۋ جاسالىپ, ناكانوسيما ارالىنىڭ تۇرعىندارى قاۋىپسىز جەرگە كوشىرىلۋدە.
مەتەورولوگتاردىڭ مالىمەتتەرىنە قاراعاندا, بىرقاتار ايماقتا جاۋىن-شاشىننىڭ ءتۇسۋ جىلدامدىعى ساعاتىنا 92 ميلليمەترگە دەيىن جەتكەن. جەرگىلىكتى NHK تەلەارناسىنىڭ حابارلاۋىنشا, توسيما ەلدى مەكەنىندە ءۇش ساعاتتىڭ ىشىندە 160 ميلليمەترگە جۋىق جاۋىن جاۋعان. سينوپتيكتەر نوسەر جاڭبىر سارسەنبىگە دەيىن جالعاسادى دەپ بولجاپ وتىر. كيۋسيۋ جانە ناكانوسيما ارالدارىندا 1 شىلدە تاڭعا دەيىن تاعى دا 200 ميلليمەترگە دەيىن جاۋىن جاۋى مۇمكىن.
ماماندار جىلعالاردان سۋ تاسۋ مەن جار كوشكىنى قاۋپىنىڭ ارتقانى تۋرالى ەسكەتۋدە. سونداي-اق, نايزاعاي ويناپ, داۋىل كۇشەيۋى ىقتيمال. ءبىر ايتا كەتەرلىگى, كۇشتىلىگى جاعىنان رەكوردتىق كورسەتكىشكە جەتكەن مۇنداي قاتتى نوسەر بۇل ەلدە سوڭعى 50 جىل بويى تىركەلمەگەن.
ەلامان قوڭىر.
دەرەك: ريا «نوۆوستي».
سۋرەت: gazeta.ru.