پەتروپاۆل. 30 ماۋسىم. ەلىمىزدىڭ 13 وبلىسىنان كەلگەن 100-دەن استام ۆەلوشاباندوزدار 4 كۇن بويى توپتىق جانە جەكەلەي جارىستاردا كۇش سىناسىپ, قاتار وتكىزىلگەن رەسپۋبليكالىق سپارتاكيادا مەن چەمپيوناتتىڭ جۇلدەلەرىن ساراپقا سالدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.
جارىس شىمىلدىعىن ەرلەر كومانداسى اشتى. قۇرامىندا الەكسەي لۋتسەنكو, جاندوس بيجىگىتوۆ, ستەپان استافەۆ جانە ارتەم زاحاروۆ بار الاڭ يەلەرى 50 شاقىرىم قاشىقتىقتى الدىمەن باعىندىردى. ايەلدەر اراسىندا سورە سىزىعىن (30 شاقىرىم) ءبىرىنشى بولىپ الماتى وبلىسىنىڭ كومانداسى قيدى.
36 شاقىرىمدىق جەكەلەي سىندا حالىقارالىق دارەجەدەگى سپورت شەبەرى الەكسەي لۋتسەنكوعا (سقو) تەڭ كەلەر قارسىلاس تابىلمادى. ايەلدەر اراسىندا (18 شاقىرىم) الماتى وبلىسىنىڭ وكىلى ەكاتەرينا يۋرايتيس جەڭىستىڭ ەڭ بيىك تۇعىرىنا كوتەرىلدى.
جاسوسپىرىمدەر اراسىندا 18 شاقىرىمدىق قاشىقتىقتا قىزىلوردالىق اسىلحان تۇرار كومبەگە ءبىرىنشى بولىپ جەتتى. ال, جاسوسپىرىمدەردىڭ توپتىق باسەكەسىندە جامبىلدىق دىنمۇحامەد ۇلىسباەۆتىڭ باعى جاندى.
80 شاقىرىمدىق توپتىق دودادا الماتى وبلىسىنىڭ ايەلدەر كومانداسى ءبىرىنشى ورىندى ەنشىلەدى.
سپارتاكيادانىڭ سوڭعى كۇنىندە 202 شاقىرىمدىق توپتىق جارىس 5 ساعاتقا جۋىق سوزىلىپ, پەتروپاۆلدىق ولەگ زەملياكوۆتىڭ مەرەيى ۇستەم بولدى.
3 التىن, 3 كۇمىس, 3 قولا مەدال يەلەنگەن سولتۇستىكقازاقستاندىق ۆەلوشاباندوزدار جالپىكوماندالىق ەسەپتە ءبىرىنشى ورىندى جەڭىپ الدى. ەكىنشى, ءۇشىنشى ورىندارعا الماتى جانە قوستاناي وبلىسىنىڭ كوماندالارى ورنالاستى.
ءومىر ەسقالي.
دەرەك: سولتۇستىك قازاقستان وبلىستىق دەنە شىنىقتىرۋ ءجان سپورت باسقارماسى.
سۋرەت: egemen.kz