استانا. 30 ماۋسىم. ۇلىبريتانيادا تەننيستەن «ۇلكەن دۋلىعا» ساناتىنداعى ۋيمبلدون ءتۋرنيرى باستالدى. بۇل سىندا ەلىمىزدىڭ نامىسىن بەس تەننيسشىمىز قورعايدى. ەرلەر اراسىنداعى باسەكەدە ميحايل كۋكۋشكين مەن الەكساندر نەدوۆەسوۆ, ال ايەلدەر سايىسىندا زارينا دياس, ياروسلاۆا شۆەدوۆا جانە يۋليا پۋتينتسەۆا جارىس جولىن شىعادى. بۇل تۋرالى egemen.kz حابارلادى.
تۋرنير بارىسىندا زارينا العاشقى ويىنىن يتاليا تەننيسشىسى فلاۆيا پەننەتتاعا قارسى وتكىزدى. جارىستىڭ 24-راكەتكاسى رەتىندە سىنعا ءتۇسىپ جاتقان يتاليان ءبىزدىڭ قىزعا ايتارلىقتاي قارسىلىق كورسەتە المادى. ءۇش سەتكە سوزىلعان ويىندا وتانداسىمىز 2:1 (6:4, 2:6, 6:3) ەسەبىمەن جەڭىسكە جەتتى. زارينانىڭ كەلەسى اينالىمداعى قارسىلاسى – بەلورۋس الەكساندرا سوسنوۆيچ. ول ءوز كەزەگىندە قىتاي تەننيسشىسى چجۋ ليننەن ءۇش سەتتە 2:1 ەسەبىمەن باسىم ءتۇستى.
سونىمەن قاتار, جارىستىڭ ەكىنشى اينالىمىنا يۋليا پۋتينتسەۆا دا جولداما الدى. ول ءبىرىنشى كەزدەسۋىندە جاڭا زەلانديا وكىلى مارينا ەراكوۆيچتى 2:0 (7:6, 7:5) ەسەبىمەن جەڭدى. يۋليانىڭ كەلەسى قارسىلاسى اتاقتى ۆينۋس ۋيليامس ەكەنىن ايتا كەتەيىك.
بۇگىن ياروسلاۆا شۆەدوۆا حورۆات قىزى لۋچيچ-بارونيگە قارسى العاشقى ويىنىن وتكىزەدى. بۇل ويىن استانا ۋاقىتىمەن ساعات 16:30-عا جوسپارلانعان. سونداي-اق, ميحايل مەن الەكساندر دا بۇگىن كورتقا شىعادى. كۋكۋشكين ساعات 21:30-دا ۇلىبريتانيالىق ەندي ماررەيگە قارسى ويناسا, نەدوۆەسوۆ سەرب تەننيشىسى ۆ.ترويتسكيمەن كۇش سىناسادى (18:30).
ەلامان قوڭىر.
دەرەك: egemen.kz.
سۋرەت: instagram.com.