پاۆلودار. 1 ناۋرىز. پاۆلودار قالاسىنداعى «قازاقستان ءاليۋمينيى» اكتسيونەرلىك قوعامىنا قاراستى جىلۋ ەلەكتر ستانساسىندا ەلەكتر سۇزگىسى ورناتىلدى. بۇل تۋرالى egemen.kz ءتىلشىسى حابارلادى.
جاڭا ەلەكترسۇزگىنىڭ زاماناۋي قۇرالدارى اۆتوماتتى تۇردە جۇمىس ىستەيدى. قوندىرعىنى «الستوم» كونتسەرنىنىڭ رەسەيلىك بولىمشەسى «الستوم پاۋەر ستاۆان» كومپانياسى قۇردى. ستانسا وبلىس ورتالىعىنىڭ 40 پايىزىن جىلۋمەن قامتاماسىز ەتەدى. كاسىپورىن ماماندارىنىڭ ايتۋىنشا, قۇرال-جابدىقتاردىڭ ەكولوگيالىق كورسەتكىشتەرىنە باسا نازار اۋدارىپ, جاڭعىرتىلۋىنا كوڭىل بولىنۋدە. ەلەكترسۇزگى اۋاعا بولىنەتىن قوقىس-قالدىقتاردىڭ كولەمىن ازايتۋعا مۇمكىندىك بەرەدى. سۇزگىنىڭ قۇرىلىسىنا 1,1 ملرد. تەڭگە قاراجات جۇمسالعان.
وتكەن جىلى «قازاقستان ءاليۋمينيى» اكتسيونەرلىك قوعامىندا قۇنى 841 ميلليون تەڭگەنى قۇرايتىن 35 شارا جۇزەگە اسقان. ولاردىڭ 14-ءى قورشاعان ورتانىڭ تازالىعى ءۇشىن جاسالدى.
فاريدا بىقاي.
دەرەك, سۋرەت: egemen.kz.