پەتروپاۆل. 2 ناۋرىز. سولتۇستىك قازاقستان وبلىسىنىڭ باسشىسى ەرىك سۇلتانوۆ بوگدەنىڭ دۇنيە-مۇلكىن ۇرلاۋدىڭ باسەڭدەمەي وتىرعانىنا بايلانىستى شۇعىل سەلەكتورلىق كەڭەس وتكىزىپ, پوليتسيا قۇرامى مەن ءتيىستى ورىندار الدىنا ناقتى مىندەتتەر قويدى. بۇل تۋرالى egemen.kz ءتىلشىسى حابارلادى.
ەرىك حامزا ۇلى ءوز سوزىندە بوگدەنىڭ دۇنيە-مۇلكىن جىمقىرۋ وڭىردە وزەكتى ماسەلە بولىپ وتىرعانىن, بارلىق ۇرلىق-قارلىقتىڭ 70 پايىزىن قۇرايتىنىن ەرەكشە اتاپ ءوتتى. بىلتىر 7 مىڭعا جۋىق وزگەنىڭ مۇلكىن قولدى ەتۋ وقيعالارى تىركەلگەن.
كريمينالدى پوليتسيا باسقارماسىنىڭ باسشىسى مىڭباي اسىلبەكوۆتىڭ بايانداۋىنشا, قىلمىستى اشۋ 4,5 پايىزعا جاقسارعانىمەن, وڭاي ولجاعا باتۋدى كوزدەگەن سۋىققولدى ارەكەتتەر 7,5 پايىزعا كوبەيگەن.
ە. سۇلتانوۆ قابىلدانىپ جاتقان شارالاردىڭ ازدىعىنا كەڭەسكە قاتىسۋشىلاردىڭ نازارىن اۋدارىپ, بۇدان بىلاي كوپ قاباتتى ۇيلەردى پايدالانۋعا بەرگەندە بەينەكامەرالاردى قوسا ورناتۋدى, تۇسىنىك جۇمىستارىن شيراتۋدى تاپسىردى. ويتكەنى, مال ۇرلىعىنىڭ باسەڭدەمەي وتىرعانى, يەلەرىنىڭ قاراۋسىز قالدىراتىنى دا الاڭداتپاي قويمايدى. 183 اۋىلدىق وكرۋگتە چاسكەلىك ينسپەكتورلار جۇمىس ىستەگەنىمەن, شابان قيمىلدايدى.
سەلەكتورلىق جيىن سوڭىندا اكىم وزگەنىڭ مۇلكىن ۇرلاۋعا قارسى ۆەدومستۆوارالىق ءىس-جوسپار شارالارىن بەكىتتى.
ءومىر ەسقالي.
دەرەك: egemen.Kz.
سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.