پەتروپاۆل. 29 ماۋسىم. بيىل اقپارات جانە بايلانىس قىزمەتكەرلەرىنىڭ كاسىبي مەرەكەسى قىزىلجار وڭىرىندە ايرىقشا اتاپ ءوتىلدى. ايتۋلى داتا س. مۇقانوۆ اتىنداعى قازاق سازدى-دراما تەاترىندا ۇيىمداستىرىلىپ, ەڭ تاڭداۋلى قالام يەلەرى ماراپاتتالدى. بۇل تۋرالى وبلىستىق اكىمدىكتىڭ ءباسپاسوز قىزمەت حابارلادى.
«ءتورتىنشى بيلىك» يەلەرى باس قوسقان ايتۋلى شاراعا ايماق باسشىسى ەرىك سۇلتانوۆ ارنايى قاتىسىپ, قۇتتىقتادى. ول بۇگىنگىدەي جاحاندانۋ كەزەڭىندەگى بايلانىس پەن اقپاراتتىڭ ماڭىزىنا توقتالىپ, جاقسى جاڭالىقتاردىڭ جارشىسىنا اينالا بەرۋگە تىلەكتەستىك ءبىلدىردى.
القالى باسقوسۋدا ءوڭىردىڭ الەۋمەتتىك-ەكونوميكالىق باعدارلامالارىن جۇزەگە اسىرۋعا بەلسەنە قاتىسقان رەسپۋبليكالىق, وبلىستىق, اۋداندىق دەڭگەيدەگى 30-عا جۋىق سالا قىزمەتكەرلەرىنە وبلىس اكىمىنىڭ قۇرمەت گراموتالارى مەن العىس حاتتارى جانە اقشالاي سىيلىقتارى سالتاناتتى تۇردە تابىس ەتىلدى.
ءبىر توپ باق وكىلدەرى ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتىنىڭ, قازاقستان جۋرناليستەر وداعىنىڭ ماراپاتتارىنا يە بولدى.
«ەكسپرەسس ك» رەسپۋبليكالىق گازەتىنىڭ مەنشىكتى ءتىلشىسى ەلەنا چەرنىشەۆا «جىلدىڭ ۇزدىك ءجۋرناليسى», «24.كز» تەلەارناسىنىڭ جەرگىلىكتى وپەراتورى تولەگەن يمانوۆ «جىلدىڭ ۇزدىك وپەراتورى», «دوبرىي ۆەچەر» گازەتىنىڭ شەف-رەداكتورى ديانا سلينكوۆا «جىلدىڭ ۇزدىك رەداكتورى» اتاندى.
سالتاناتتى جيىن سوڭى كونتسەرتتىك باعدارلاماعا جالعاستى.
مۇنداي قۇرمەت قالالىق اكىمدىك, وبلىستىق سوت, پروكۋراتۋرا, ىشكى ىستەر دەپارتامەنتى, اسكەري ينستيتۋت باسشىلىعى تاراپىنان دا كورسەتىلدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.