استانا. 29 ماۋسىم. شىعىس قازاقستان وبلىسىنداعى بۇقتىرما سۋ قويماسىنان 4 ادامنىڭ ءمايىتى تابىلدى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساعان 24.kz حابارلادى.
وبلىستاعى «باروك» دەمالىس ورنى ماڭىندا 1991 جىلى تۋعان رەسەي ازاماتى سۋعا ءتۇسۋ كەزىندە باتىپ كەتكەن. ءمايىتتى بۇقتىرما سۋدا قۇتقارۋ قىزمەتىنىڭ ماماندارى سىرتقا الىپ شىققان. سونداي-اق, قۇتقارۋشىلاردىڭ كومەگىنە اتالعان سۋ قويماسىنىڭ قاراقول اۋىلى ماڭىنداعى بولىگىندە سۋعا كەتكەن ءۇش ادامنىڭ تۋعان-تۋىستارى جۇگىنگەن.
ايتا كەتەيىك, قايىققا مىنگەن 3 ادام اۋدارىلىپ, باتىپ كەتكەن. ايلايدا, ءدال سول ۋاقىتتا باتقان ازاماتتاردى سۋدان قۇتقارۋ قىزمەتى ىزدەگەنىمەن تابا المادى. تەك بۇگىن تاڭەرتەڭ 3 ادامنىڭ دەنەسى سۋ بەتىنە قالقىپ شىققان. مايىتتەردى كورگەن جەرگىلىكتى تۇرعىندار جاعاعا شىعارعان. ولار 1998, 2000 جانە 2006 جىلى تۋعان جاسوسپىرىمدەر ەكەنى انىقتالدى.
تالعات رايىمبەك.
دەرەك, سۋرەت: 24.kz.