پەتروپاۆل. 28 اقپان. سولتۇستىك قازاقستان وبلىسىنداعى «جەڭىس» بالالار جانە جاسوسپىرىمدەر سپورت مەكتەبىندە وتكەن قازاق كۇرەسىنەن «پوليتسيا بارىسى-2015» ءتۋرنيرى مارەسىنە جەتتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز ورتالىعى حابارلادى.
العاش رەت ۇيىمداستىرىلعان جارىس جەڭىستىڭ 70 جىلدىعىنا ارنالدى. دوداعا وبلىس ورتالىعىنان, اۋدانداردان, قىلمىستىق اتقارۋ جۇيەسى مەن توتەنشە جاعدايلار جونىندەگى دەپارتامەنتتەرىنەن جانە مامانداندىرىلعان كۇزەت باسقارماسىنان كەلگەن 34 بالۋان قاتىستى.
شەشۋشى بەلدەسۋدە مامانداندىرىلعان كۇزەت باسقارماسىنىڭ كىشى سەرجانتى, گرەك-ريم كۇرەسىنەن رەسپۋبليكالىق جارىستاردىڭ جەڭىمپازى ازات شاۋكەروۆ پەن قىلمىستىق اتقارۋ جۇيەسىنىڭ وكىلى ەرجان داۋلەتوۆ كۇش سىناستى. ناتيجەسىندە, ازات قارسىلاسىن قاپى قالدىرىپ, وبلىستىڭ «پوليتسيا بارىسى» اتاندى. ءۇشىنشى ورىنعا توتەنشە جاعدايلار جونىندەگى دەپارتامەنتتىڭ قىزمەتكەرى ەرباتىر امەنكين يە بولدى.
جەڭىمپازدار مەن جۇلدەگەرلەر باعالى سىيلىقتارمەن ماراپاتتالدى. سونداي-اق, بىرنەشە اتالىمدار بويىنشا بەلسەندى بالۋاندارعا سىيلىقتار تابىس ەتىلدى. مامليۋتتىك مۇرات قوجاەۆ «ءتۋرنيردىڭ ەڭ قارتاڭ قاتىسۋشىسى» اتانسا, اققايىندىق سانسىزباي بايزاقوۆ «ەڭ ۇزدىك شەبەر بالۋان», ال نۇرجان ايتەگەشوۆ «جەڭىسكە دەگەن جىگەرى ءۇشىن» اتالىمدارىنا يە بولدى.
وبلىستىق ىشكى ىستەر دەپارتامەنتىنىڭ باسشىسى, گەنەرال-مايور بەرىك ءبىلالوۆ قازاق كۇرەسىنەن وڭىردە العاش سپورت شەبەرى اتانعان ارداگەر سپورتشى باۋىرجان قۇلجانوۆقا «سپورت قوزعالىسىن دامىتۋداعى سىڭىرگەن ەڭبەگى ءۇشىن» توسبەلگىسىن سالتاناتتى تۇردە تابىس ەتتى.
ءومىر ەسقالي.
دەرەك: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز ورتالىعى.
سۋرەت: prosportkz.kz.