پەتروپاۆل. 28 اقپان. پوليتسيا قىزمەتكەرلەرى ءىز كەسۋشى-قىزمەتتىك يتتەردىڭ كومەگىمەن جىل باسىنان بەرى 80 قىلمىستى اشكەرەلەدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
جۋىردا وبلىس ورتالىعىندا ءىرى پاتەر توناۋ فاكتىسى تىركەلگەن. ۇرلىققا قاتىستى دابىل تۇسىسىمەن «روسسي» ەسىمدى نەمىس وۆچاركاسىن جەتەلەگەن كينولوگ ماماندار مەن جەدەل تەرگەۋ توبى وقيعا ورنىنا جەتكەن. ءيىسشىل يت بىردەن قىلمىسكەردىڭ ىزىنە ءتۇسىپ, ناتيجەسىندە ەكى ادام قۇرىقتالعان. مامليۋت اۋدانى تۇرعىنىنىڭ ۇرلانعان ۇيالى تەلەفونىنىڭ تابىلۋىنا دا ءتورت اياقتى سەنىمدى كومەكشىلەردىڭ ۇلكەن جاردەمى تيگەن.
–«ءروسسيدىڭ» يىسشىلدىگى كەرەمەت. ءبىر دە-ءبىر قىلمىسكەردى بۇلتارتقان ەمەس. ءوز «قىزمەتىندە» 200-دەن استام قىلمىستى تۇزاقتادى, دەيدى كينولوگتار.
ءىزشىل يتتەر ەسىرتكى زاتتارىن ىزدەستىرۋگە دە كەڭىنەن پايدالانىلادى. ولاردىڭ كومەگىمەن 25 كيلوعا جۋىق ەسىرتكى تاركىلەنىپ, 400-گە جۋىق قىلمىس اشىلعان.
ءومىر ەسقالي.
دەرەك, سۋرەت: ءوىىد-ءنىڭ ءباسپاسوز ورتالىعىنان الىندى.