استانا. 28 ماۋسىم. پاۆلودار قالاسىندا قۇتىرعان يت تىستەپ العاy ەر ادام قازا بولدى. بۇل تۋرالى پاۆلودار وبلىستىق دەنساۋلىق ساقتاۋ باسقارماسى حابارلادى.
باسقارما تاراتقان مالىمەتتەرگە قاراعاندا, ەر ادامدى قۇتىرما ۆيرۋسىن جۇقتىرعان يت قاۋىپ العان. ول اۋرۋحاعا تۇسكەننەن ءبىر اپتا وتكەن سوڭ كوز جۇمدى. جەرگىلىكتى دەنساۋلىق ساقتاۋ باسقارماسىنىڭ ەمدەۋ-الدىن الۋ ءبولىمىنىڭ جەتەكشىسى سالتانات تولەگەنوۆا: «اۋرۋدى امان ساقتاپ قالۋ ءۇشىن دارىگەرلەر قولدان كەلگەن بارلىق كومەكتى جاسادى. الايدا, وكىنىشكە قاراي, ەر ادام قايتىس بولدى», – دەدى.
ءبولىم جەتەكشىسىنىڭ سوزىنە قاراعاندا, پاۆلودار وبلىستىق جۇقپالى اۋرۋلار اۋرۋحاناسىنا تۇسكەلى ەر ادام جانساقتاۋ بولىمىندە جاتقان. «اۋرۋدىڭ جاعدايى وتە اۋىر بولدى, سەبەبى, دەرتى تىم اسقىنىپ كەتكەن. كۇن وتكەن سايىن دەرت دەندەي بەردى. سوڭعى كۇندەرى ەر ادام دىبىستاردى ەستىپ-ءبىلىپ جاتتى, بىراق ەس-تۇسىندە كەيدە وزگەرىستەر بولدى», – دەدى اۋرۋحانا مامانى.
ءولىمنىڭ ناقتى سەبەبىن دارىگەرلەر ولىككە تەكسەرۋ جۇرگىزگەننەن كەيىن مالىمدەيدى.
بۇدان بۇرىن, دالىرەك ايتقاندا, مامىر ايىندا رەبروۆكا اۋىلىنىڭ 48 جاستاعى تۇرعىنى مەن ونىڭ ايەلى جانە 19 جاستاعى ۇلىن قۇتىرما اۋرۋىن جۇقتىرعان ءۇي ءيتى قاۋىپ العانى جونىندە حابارلانعان بولاتىن. قۇتىرعان يت ايەلدىڭ وڭ يىعىنان كيىمىنىڭ سىرتىنان, ال بالاسىن بىلەگىنەن تىستەپ العان. ەڭ كوپ زارداپ شەككەن – وتاعاسى, قۇتىرعان يت ونىڭ قۇلاعىن تىستەگەن. تۋىستارىنىڭ ايتۋىنشا, يت ونى 17 مامىر كۇنى قاۋىپ العان. دەگەنمەن, ول دارىگەرلەردىڭ كومەگىنە تەك ءبىر ايت وتكەن سوڭ جۇگىنگەن. اۋرۋدىڭ نەگىزگى بەلگىلەرىنەن بولەك, ەر ادام سۋدىڭ سىلدىرى مەن دەنەسىنە تيگەن كەز كەلگەن نارسەنى اۋىرسىنعان.
ەر ادامنىڭ جۇبايى مەن ۇلى قارىم-قاتىناسقا تۇسكەندەر رەتىندە ەسەپكە الىنىپ, ولارعا ەكى رەت قۇتىرۋعا قارسى ۆاكتسينا ەگىلگەن. الدىن الا جاسالعان جورامالدارعا قاراعاندا, يت قۇتىرما اۋرۋىن اۋىل ۇيىنە كىرىپ كەتكەن جابايى تۇلكىدەن جۇقتىرىپ العان بولۋى مۇمكىن. وتباسىنا شابۋىل جاساعاننان كەيىن قوجايىنى ءيتتى اتىپ ولتىرگەن.
«بۇل دەرت پاۆلودار وڭىرىندە سوڭعى 30 جىل بويى مۇلدە تىركەلمەگەن. تەك جانۋارلاردىڭ اۋىرعاندارى عانا كەزدەسكەن. قۇتىرما اۋرۋىنىڭ الدىن الۋدىڭ جالعىز جولى – ەگۋ. الايدا, وسى جاعدايدا ەر ادام بۇل شارالاردىڭ بارلىعىن قاجەتسىنبەدى», – دەپ اتاپ ءوتتى وبلىستىق جۇقپالى اۋرۋلار اۋرۋحاناسىنىڭ ەپيدەميولوگ-دارىگەرى گۇلميرا قۇلماعامبەتوۆا.
ەلامان قوڭىر.
دەرەك: پاۆلودار وبلىستىق دەنساۋلىق ساقتاۋ باسقارماسى.
سۋرەت: egemen.kz.