استانادا 19 جاستاعى ستۋدەنت «بايتەرەك» مونۋمەنتىنىڭ جانىندا ادەپسىز سۋرەتكە ءتۇسىپ, ونى الەۋمەتتىك جەلىگە جاريالاعانى ءۇشىن جاۋاپقا تارتىلدى. سوت شەشىمىمەن وعان بەس تاۋلىك اكىمشىلىك قاماۋعا الۋ جازاسى تاعايىندالدى, دەپ حابارلايدى Egemen.kz.
پوليتسيا قىزمەتكەرلەرى الەۋمەتتىك جەلىلەرگە مونيتورينگ جۇرگىزۋ بارىسىندا ەلوردانىڭ باستى سيمۆولىنىڭ اياسىندا جاسالعان ەرسى ارەكەتتى انىقتاعان. كوپ ۇزاماي ءتارتىپ ساقشىلارى 19 جاستاعى قالا تۇرعىنىن ۇستاپ, پوليتسيا بولىمشەسىنە جەتكىزدى. ونىڭ ارەكەتى «ۇساق بۇزاقىلىق» بابى بويىنشا باعالانىپ, ءىس ماتەريالدارى سوتقا جولداندى.
الماتىداعى ستۋدەنتتىڭ ءولىمى: قايعىلى وقيعاعا ادىلەتسىز باعالاۋ سەبەپ بولدى ما؟
«سوت ك. ەسىمدى ازاماتتىڭ «بايتەرەك» مونۋمەنتىنىڭ جانىندا ادەپسىز سۋرەتكە ءتۇسىپ, ونى ينتەرنەت جەلىسىنە ورنالاستىرعانىن انىقتادى. بۇل ارەكەت قوعامدىق ءتارتىپتى بۇزۋ جانە ازاماتتاردىڭ تىنىشتىعىن الۋ بولىپ سانالادى. قۇقىق بۇزۋشىنىڭ ارەكەتى «بايتەرەك» مونۋمەنتىن پايدالانا وتىرىپ, ادەپسىز ۆيزۋالدى جەست جاساۋ ارقىلى كورىنىس تاپقان, بۇل قوعامعا دەگەن انىق قۇرمەتسىزدىك پەن مىنەز-ق ۇلىق نورمالارىن بۇزۋدى بىلدىرەدى», دەلىنگەن سوت حابارلاماسىندا
سوت وتىرىسىندا ستۋدەنت كىناسىن تولىق مويىنداپ, وكىنىش ءبىلدىردى. سوت شەشىم قابىلداۋ كەزىندە قۇقىق بۇزۋشىنىڭ جاس ەرەكشەلىگى مەن ستۋدەنتتىك مارتەبەسىن ەسكەرە وتىرىپ, ونى 5 تاۋلىككە قاماۋعا الۋ تۋرالى ۇكىم شىعاردى.
18 جاستاعى ستۋدەنتتىڭ ءولىمى: استانادا سوت پروتسەسى باستالدى
ۇكىم زاڭدى كۇشىنە ەنگەن جوق.