استانا. 27 ماۋسىم. ەلباسى تۋنيس رەسپۋبليكاسىنىڭ پرەزيدەنتى بەدجي كايد اس-سەبسيگە سۋس قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى. بۇل تۋرالى akorda.kz حابارلادى.
كوڭىل ايتۋ جەدەلحاتىندا مەملەكەت باسشىسىنىڭ سۋس قالاسىندا بولعان تەرروريستىك اكت سالدارىنان كوپتەگەن تۋنيس جانە شەتەل ازاماتتارىنىڭ قازا تاپقانى تۋرالى سۋىت حاباردى زور كۇيزەلىسپەن قابىلداعانى اتاپ وتىلگەن.
«قازاقستان بارشا الەمنىڭ بەيبىتشىلىگى مەن قاۋىپسىزدىگىنە ەلەۋلى قاۋىپ ءتوندىرىپ وتىرعان حالىقارالىق ەكسترەميزم مەن تەرروريزمدى ءۇزىلدى-كەسىلدى ايىپتايدى», – دەلىنگەن جەدەلحاتتا.
نۇرسۇلتان نازارباەۆ قازاقستان حالقىنىڭ جانە جەكە ءوزىنىڭ اتىنان قازا بولعانداردىڭ تۋىستارى مەن جاقىندارىنا, سونداي-اق, بارشا تۋنيس رەسپۋبليكاسىنىڭ حالقىنا كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
تالعات رايىمبەك.
دەرەك, سۋرەت: akorda.kz.